၁၈ ဖဲမုၢ်နံၤ အဝဲန့ၣ်​ ယဟိဝၤယွၤ မၤတၢ်အၢၣ်လီၤအီလီၤဒီး စီၤအၤဘြၣ်+ ဒီးတဲဝဲလၢ “ယကဟ့ၣ်လီၤ နချံနသၣ်လၢ ကီၢ်တဘ့ၣ်အံၤ+ စးထီၣ်လၢ အဲၤကူပတူး အထံကျိ တုၤလၢ ထံကျိဖးဒိၣ်​ လၢအမ့ၢ် ထံကျိဖရၤသးန့ၣ်လီၤ.+

၃ အိၣ်လၢ ကီၢ်တဘ့ၣ်အံၤ ဒ်ပှၤထံဂၤကီၢ်ဂၤဖိတဂၤ အသိးတက့ၢ်.+ ဒီးယကဆဲးအိၣ်ဒီးနၤ ဒီးယကဆိၣ်ဂ့ၤနၤ မ့ၢ်လၢယကဟ့ၣ်လီၤ နၤဒီးနချံနသၣ်လၢ တၢ်လီၢ်တဖၣ်အံၤ ခဲလၢာ်လီၤ.+ ဒီးယကမၤဒ် တၢ်အၢၣ်လီၤလၢ ယအၢၣ်လီၤနပၢ် စီၤအၤဘြၤဟၣ်​ အသိးလီၤ.+

၁၂ ကီၢ်တဘ့ၣ်လၢ ယဟ့ၣ်လီၤ စီၤအၤဘြၤဟၣ်​ ဒီးစီၤအံၤစဲးန့ၣ်​ ယကဟ့ၣ်လီၤနၤလီၤ. ဒီးယကဟ့ၣ်လီၤစ့ၢ်ကီး ကီၢ်တဘ့ၣ်အံၤလၢ နစၢၤနသွဲၣ်တဖၣ်လီၤ.”+

၁၃ သ့ၣ်နီၣ်ထီၣ်က့ၤ နခ့နပှၤ စီၤအၤဘြၤဟၣ်, စီၤအံၤစဲး ဒီးစီၤအံၣ်စရ့လးလၢ နအၢၣ်လီၤပာ်စၢၤ အဝဲသ့ၣ်လၢ နနီၢ်ကစၢ် အမံၤအပူၤလၢ ‘ယကမၤအါထီၣ်​ သုချံသုသၣ်​ တုၤလၢအအိၣ်အါ ထဲသိးဒီး ဆၣ်တဖၣ်​ လၢမူခိၣ်+ ဒီးယကဟ့ၣ်လီၤ သုချံသုသၣ်လၢ ထံကီၢ်လၢ ယပာ်ပနီၣ်အီၤခဲလၢာ် ဒ်သိး အကကဲထီၣ်​ အဝဲသ့ၣ်အတၢ် လီၤစိၤလီၤထီလီၤ.’”+