၂၆ ဒီးအဝဲသ့ၣ်​ က့ၤဝဲလၢ စီၤမိၤၡ့ ဒီးစီၤအၤဟရိၣ်​ ဒီးပှၤအံၣ်စရ့လးဖိခဲလၢာ် အအိၣ်​ လၢကၤဒ့ၣ်​ လၢပၤရၣ်အပှၢ်မုၢ်ကနၢပူၤလီၤ.+ ဒီးအဝဲသ့ၣ်​ တဲဘၣ်​ ပှၤဂီၢ်မုၢ်လၢ တၢ်ဂ့ၢ်တၢ်ကျိၤ ဒီးဒုးနဲၣ်​ အဝဲသ့ၣ်လၢ ကီၢ်တဘ့ၣ်န့ၣ်​ အတၤသူတၤသၣ်လီၤ. ၂၇ အဝဲသ့ၣ်​ တဲဘၣ်​ စီၤမိၤၡ့လၢ “ပလဲၤနုာ်လီၤလၢ ကီၢ်တဘ့ၣ်လၢ နမၢပလဲၤ ဒီးလၢကီၢ်တဘ့ၣ်အံၤ အပူၤန့ၣ်​ တၢ်နုၢ်ထံ ဒီးကနဲစီ ယွၤလီၤဝဲ သပှၢ်ကတၢၢ်လီၤ.+ ဒီးအဝဲအံၤ မ့ၢ်အတၤသူတၤသၣ်​ တဖၣ်လီၤ.+

၃ ဖဲသုခီဂာ် ထံကျိယၢ်ဒ့ၣ်ဝံၤအခါ သုကဘၣ်ကွဲးလီၤ တၢ်ကတိၤခဲလၢာ် လၢအပၣ်ဃုာ်လၢ တၢ်သိၣ်တၢ်သီအံၤအပူၤ* လၢလၢၢ်တဖၣ်အံၤ အလိၤလီၤ. သုမၤဒ်န့ၣ်မ့ၢ်ဝံၤမး သုလဲၤနုာ်လီၤဘၣ်လၢ ကီၢ်လၢ သုကစၢ်ယဟိဝၤယွၤ ကဟ့ၣ်သုအပူၤ ကသ့လီၤ. ဒ်သုမိၢ်ပၢ်ဖံဖု လၢပျၢၤတဖၣ်​ အကစၢ် ယဟိဝၤယွၤ အၢၣ်လီၤသုအသိး ကီၢ်တဘ့ၣ်အံၤန့ၣ်​ တၢ်နုၢ်ထံဒီး ကနဲစီ ယွၤလီၤဝဲလၢ အပူၤလီၤ.+