၁၉ ဒီးအဝဲသ့ၣ်​ တ့ထီၣ်​ ထူအကွီၤခံကွီၤ ဒီးထီထီၣ်အီၤလၢ ထၢၣ်ဖိ အလီၢ်ခံ တကပၤ အနၢၣ်ထံး ခံကပၤ အလိၤလီၤ. ထၢၣ်ဖိ အလီၢ်ခံ တကပၤန့ၣ်​ အမဲာ်ကွၢ်လိာ်အသးဒီး အ့ဖိးလီၤ.+ ၂၀ ဒီးအဝဲသ့ၣ်​ တ့ထီၣ်​ ထူအကွီၤအဂၤခံကွီၤ ဒီးထီထီၣ်ဝဲလၢ အ့ဖိးအမဲာ်ညါ တကပၤ လၢအဖံဘၣ်ခိၣ်ခံဘ့ၣ်​ အဖီလာ်, ဘူးဒီး တၢ်ဘျးစဲလိာ်သးအလီၢ် ဒီးလၢအ့ဖိး အယီၢ်တကိး အဖီခိၣ်လီၤ. ၂၁ ဒီးလၢခံကတၢၢ်န့ၣ်​ ဒ်ယဟိဝၤယွၤ မၤလိာ်ပာ်စၢၤ စီၤမိၤၡ့အသိး အဝဲသ့ၣ်စၢဃာ်ဝဲ ထၢၣ်ဖိအကွီၤတဖၣ်​ ဒီးအ့ဖိးအကွီၤတဖၣ်​ လၢပျံၤလၢ အလွဲၢ်လါအဲးတဘိ ဒ်သိး ထၢၣ်ဖိ ကအိၣ်ဝဲလၢ အ့ဖိးအလိၤကျၢၤကျၢၤ လၢယီၢ်တကိး အဖီခိၣ်လီၤ.