၃၈ ဒီးယဟိဝၤယွၤ အမ့ၣ်အူ ဟဲလီၤအီၣ်ကွံာ်ဝဲ တၢ်လုၢ်ဒွဲၣ်အူ,+ သ့ၣ်မုၣ်တဖၣ်, လၢၢ်တဖၣ်​ ဒီးဟီၣ်ခိၣ်ကမူၣ်လီၤ. ဒီးမ့ၣ်အူန့ၣ်​ ဆူးထီၣ်ကွံာ်ဝဲ ထံလၢ တၢ်ကျိၤပူၤခဲလၢာ်လီၤ.+ ၃၉ ဖဲပှၤဂီၢ်မုၢ် ခဲလၢာ်ထံၣ်ဝဲဒ်န့ၣ်အခါ တဘျီဃီန့ၣ်​ အဝဲသ့ၣ်​ ထိၣ်လီၤပှီၤအသးဒီး တဲဝဲလၢ “ယဟိဝၤယွၤ မ့ၢ်ယွၤ လၢအမ့ၢ်အတီတဂၤ, ယဟိဝၤယွၤ မ့ၢ်ယွၤ လၢအမ့ၢ်အတီတဂၤလီၤ.”

၇ ဖဲစီၤၡလိၤမိၤ ဃ့ဘါထုကဖၣ်တၢ် ဝံၤအခါ+ မ့ၣ်အူလၢမူခိၣ်န့ၣ်​ ဟဲလီၤအီၣ်ကွံာ်ဝဲ+ တၢ်လုၢ်ဒွဲၣ်အူ ဒီးတၢ်လုၢ်တၢ်ပာ်တဖၣ်လီၤ. ဒီးဟံၣ်န့ၣ်​ ပှဲၤဝဲဒီးယဟိဝၤယွၤ အလၤကပီၤလီၤ.+

၃ ဖဲမ့ၣ်အူဟဲလီၤဝဲ ဒီးယဟိဝၤယွၤအလၤကပီၤ အိၣ်ဝဲလၢ ဟံၣ်ဖီခိၣ်အခါ ပှၤအံၣ်စရ့လးဖိခဲလၢာ် ကွၢ်ဝဲလီၤ. ဒီးအဝဲသ့ၣ်​ ထိၣ်လီၤပှီၤအသး ဒီးကျးလီၤအမဲာ်လၢ လၢၢ်ဒါခိၣ်​ ဒီးစံးဘျုးယဟိဝၤယွၤ မ့ၢ်လၢ “ကစၢ်ယွၤမ့ၢ်ပှၤအဂ့ၤ ဒီးအတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.”