၁၅ ဒီးလၢသိတခွးအကျါန့ၣ်​ ပှၤလုၢ်တၢ်ဒိၣ်​ ကဟံးန့ၢ် တၢ်အသိတနီၤ+ ဒီးလူလီၤအီၤလၢ အနီၢ်ကစၢ်အစုညါသးလၢ အစ့ၣ်တခီ အပူၤလီၤ. ၁၆ ဝံၤဒီး ပှၤလုၢ်တၢ်ဒိၣ်​ ကဘျၢလီၤ အစုနၢ အထွဲတဘိလၢ သိလၢအအိၣ်လၢ အစုညါသး လၢအစ့ၣ်တခီအပူၤ ဒီးကဖှံသိအံၤ တနီၤလၢ ယဟိဝၤယွၤ အမဲာ်ညါ နွံဘျီလီၤ. ၁၇ ဝံၤဒီး ပှၤလုၢ်တၢ်ဒိၣ်​ ကဟံးန့ၢ် သိတနီၤလၢ အအိၣ်လၢ အစုညါသးအပူၤ ဒီးကဖှူဝဲလၢ တၢ်သွံၣ်အံၤအဖီခိၣ်​ လၢအအိၣ်ဝဲလၢ ပှၤလၢ အမၤကဆှီထီၣ်​ အသးတဂၤန့ၣ်​ အနၢ်စဲၤလၢ အနၢ်ထွဲတခီ ဒီးအစုမုၢ်လၢ အထွဲတခီ ဒီးအခီၣ်မုၢ်လၢ အထွဲတခီ အလိၤလီၤ. ၁၈ ဒီးပှၤလုၢ်တၢ်ဒိၣ်​ ကဟံးန့ၢ် သိလၢအအိၣ်တ့ၢ်ဝဲလၢ အစုညါသးအပူၤ ဒီးကပာ်ထီၣ်ဝဲလၢ ပှၤလၢ အမၤကဆှီထီၣ်အသး တဂၤန့ၣ်​ အခိၣ်လိၤလီၤ. ဒီးပှၤလုၢ်တၢ်ဒိၣ်န့ၣ်​ ကမၤဘၣ်လိာ်ဖိးဒ့က့ၤ တၢ်လၢအဝဲအဂီၢ် လၢယဟိဝၤယွၤ အမဲာ်ညါလီၤ.+