၃ ဒီးအဝဲ ကလုၢ်ထီၣ်ဝဲ တၢ်လုၢ်အိၣ်ဃူအိၣ်ဖိးအံၤ အကူာ်အခီတနီၤ ဒ်တၢ်လုၢ်လၢ မ့ၣ်အူလၢ ယဟိဝၤယွၤ အအိၣ်လီၤ.+ အကူာ်အခီတဖၣ်အံၤ မ့ၢ်ဝဲအသိလၢ အအိၣ်လၢ အပှံာ်လိၤခဲလၢာ်+ ဒီးအသိလၢ အအိၣ်ဝးတရံးအပှံာ် ၄ ဒီးအကလ့ၢ်ခံဖျၢၣ်​ လၢအအိၣ်ဘူးဒီး အယီၢ်ဒ့ ဃုာ်ဒီးသိလၢ အအိၣ်လၢ အကလ့ၢ် အလိၤလီၤ. ဒီးအဝဲ ကဘၣ်ထုးထီၣ်ကွံာ်စ့ၢ်ကီး အသိလၢ အအိၣ်လၢ အသူၣ်အလိၤ ဃုာ်ဒီး အကလ့ၢ်တဖၣ်လီၤ.+ ၅ စီၤအၤဟရိၣ်​ အဖိခွါတဖၣ်​ ကပာ်တၢ်သ့ၣ်တဖၣ်အံၤ ခဲလၢာ် လၢတၢ်လုၢ်ဒွဲၣ်အူ လၢအအိၣ်ဝဲလၢ တၢ်လုၢ်လီၢ်အဖီခိၣ်​ အလိၤ ဒ်သိး အကခုၣ်ထီၣ်​ အဂီၢ်လီၤ. ဒီးတၢ်လုၢ်ဒွဲၣ်အူန့ၣ်​ အိၣ်ဝဲလၢ တၢ်လုၢ်လီၢ် အဖီခိၣ်လၢ သ့ၣ်မုၣ်လၢ အကဲၤအလိၤလီၤ.+ ဒီးအမ့ၢ်ဝဲ တၢ်လုၢ်လၢမ့ၣ်အူ ဒီးကဲထီၣ်​ တၢ်နၢမူလၢ အမၤမုာ် ယဟိဝၤယွၤ အသးလီၤ.+

၂၉ “တဲဘၣ်​ ပှၤအံၣ်စရ့လးဖိလၢ ‘ပှၤလၢ အလုၢ်ထီၣ်​ တၢ်လုၢ်အိၣ်ဃူအိၣ်ဖိးလၢ ယဟိဝၤယွၤ အအိၣ်န့ၣ်​ ကဘၣ်ဟဲစိာ် ဆၣ်ဖိကီၢ်ဖိအံၤအကူာ်တဖၣ်​ ဒ်တၢ်လုၢ်လၢ ယဟိဝၤယွၤအအိၣ်လီၤ.+ ၃၀ အဃိ အကဘၣ်ဟဲစိာ် တၢ်အသိ+ ဒီးတၢ်အသးနါပှၢ်လၢ အနီၢ်ကစၢ်အစု ဒ်တၢ်လုၢ်လၢမ့ၣ်အူလၢ ယဟိဝၤယွၤ အအိၣ်အသိးလီၤ. ဒီးအဝဲ ကဝံၢ်ဝၢ်ဝဲ တၢ်အသးနါပှၢ် လၢအလီၢ်ခံ ဒီးအမဲာ်ညါ ဒ်တၢ်လုၢ်ဝံၢ်ဝၢ်အသိးလၢ+ ယဟိဝၤယွၤ အမဲာ်ညါလီၤ. ၃၁ ပှၤလုၢ်တၢ်ဒိၣ်န့ၣ်​ ကဒွဲၣ်အူထီၣ်ဝဲ တၢ်အသိလၢ တၢ်လုၢ်လီၢ် အဖီခိၣ်​ ဒ်သိး အကခုၣ်ထီၣ်အဂီၢ်+ ဘၣ်ဆၣ်​ မ့မ့ၢ် အသးနါပှၢ်န့ၣ်​ ကကဲထီၣ်​ စီၤအၤဟရိၣ်​ ဒီးအဖိခွါတဖၣ်​ အတၢ်လီၤ.+