၃၀ လၢခံတနံၤန့ၣ်​ စီၤမိၤၡ့တဲဘၣ်​ ပှၤဂီၢ်မုၢ်လၢ “သုမၤဘၣ်​ တၢ်ဒဲးဘး ဖးဒိၣ်ညါ, ခဲအံၤ ယကလဲၤထီၣ်လၢ ယဟိဝၤယွၤအအိၣ်​ ဒီးယကဃ့ကညးအီၤ ဒီးဘၣ်သ့ၣ်သ့ၣ်​ သုတၢ်ဒဲးဘးကပျၢ်ဝဲလီၤ.”+

၁၇ “စးထီၣ်ဖဲ စီၤအၤဟရိၣ်​ လဲၤနုာ်လီၤဝဲလၢ တၢ်လီၢ်စီဆှံကတၢၢ် ဒ်သိး ကမၤဘၣ်လိာ်ဖိးဒ့က့ၤတၢ်အဂီၢ် ဒီးတုၤလီၤလၢ အဟဲက့ၤထီၣ်န့ၣ်​ ပှၤတဘၣ်အိၣ်လၢ တၢ်အိၣ်ဖှိၣ်​ အဒဲပူၤ နီတဂၤဘၣ်. စီၤအၤဟရိၣ်​ ကမၤဘၣ်လိာ်ဖိးဒ့က့ၤတၢ်လၢ အနီၢ်ကစၢ်+ ဒီးအဒူၣ်ဖိထၢဖိအဂီၢ် ဒီးအံၣ်စရ့လး အတၢ်အိၣ်ဖှိၣ်ဒီတဖု အဂီၢ်လီၤ.+

၂၅ ပှၤလုၢ်တၢ်ဒိၣ်​ ကမၤဘၣ်လိာ်ဖိးဒ့က့ၤတၢ်လၢ ပှၤအံၣ်စရ့လးဖိ တၢ်အိၣ်ဖှိၣ်​ ဒီတဖု အဂီၢ်လီၤ. ဒီးအဝဲသ့ၣ်​ အတၢ်ကမၣ်​ ကပျၢ်ဝဲ+ မ့ၢ်လၢ အမ့ၢ်ဝဲတၢ်ကမၣ်လၢ တၢ်တပာ်သူၣ်ပာ်သး အပူၤအဃိ, ဒီးလၢအဝဲသ့ၣ်​ အတၢ်ကမၣ်​ အဂီၢ်န့ၣ်​ အဝဲသ့ၣ်​ ဟဲစိာ် တၢ်လုၢ်လၢ မ့ၣ်အူလၢ ယဟိဝၤယွၤအအိၣ်​ ဒီးဟဲစိာ်ဝဲ တၢ်လုၢ်လၢ တၢ်ဒဲးဘးအဂီၢ် လၢယဟိဝၤယွၤ အမဲာ်ညါ အဃိလီၤ.

၇ ခီဖျိလၢ တၢ်ပှ့ၤက့ၤပှၤလၢ ပှၤတဂၤန့ၣ်အသွံၣ်အဃိ ပထူၣ်ဖျဲးထီၣ်လီၤ.+ ဒီးပတၢ်ကမၣ်န့ၣ် ဘၣ်တၢ်ပျၢ်ကွံာ်အီၤ+ မ့ၢ်လၢ ကစၢ်ယွၤအတၢ်သးကညီၤ ဒိၣ်ဒိၣ်မုၢ်မုၢ်လၢ အထူးဝဲတီၤဝဲ အဃိလီၤ.

၁၇ လၢတၢ်န့ၣ်အဃိ အဝဲကဘၣ်ကဲထီၣ်ဒ်အ “ဒီပုၢ်ဝဲၢ်ခွါတဖၣ်” လၢတၢ်ခဲလၢာ်အပူၤ+ ဒ်သိး အကကဲထီၣ် ပှၤလုၢ်တၢ်ခိၣ် အဒိၣ်ကတၢၢ်လၢ အမၤကစၢ်ယွၤအတၢ်မၤ ပှဲၤဒီးတၢ်သးကညီၤ ဒီးအိၣ်ဒီးတၢ်သးတီ တကးဒံးဘၣ် ဒ်သိးအကဟ့ၣ်လုၢ်ထီၣ် တၢ်လုၢ်တၢ်ပာ်လၢ+ ပှၤဟီၣ်ခိၣ်ဖိ အတၢ်ဒဲးဘးအဂီၢ်လၢ+ အကဒုးအိၣ်ဃူအိၣ်ဖိး အဝဲသ့ၣ်ဒီးကစၢ်ယွၤလီၤ.