၂၇ “‘ပှၤတဂၤဂ့ၤတဂၤဂ့ၤ မ့ၢ်မၤကမၣ်ဘၣ်တၢ်လၢ တၢ်တပာ်သူၣ်ပာ်သး အပူၤန့ၣ်​ အဝဲကဘၣ်​ ဟဲစိာ်ဝဲ မဲာ်တဲးလဲးမိၢ် လၢအအိၣ်တနံၣ်​ လၢတၢ်လုၢ် လၢတၢ်ဒဲးဘး အဂီၢ်လီၤ.+ ၂၈ ဒီးပှၤလုၢ်တၢ်ဒိၣ်​ ကမၤဘၣ်လိာ်ဖိးဒ့က့ၤတၢ်လၢ ပှၤတဂၤလၢ အမၤကမၣ်ဘၣ်တၢ် လၢယဟိဝၤယွၤ အမဲာ်ညါလၢ တၢ်တပာ်သူၣ်ပာ်သးအပူၤအဂီၢ် ဒီးအတၢ်ကမၣ်​ ကပျၢ်ဝဲလီၤ.+ ၂၉ ဘၣ်ဃးဒီး တၢ်မၤကမၣ်တၢ်လၢ တၢ်တပာ်သူၣ်ပာ်သး အပူၤန့ၣ်​ ပှၤအံၣ်စရ့လးဖိမ့ၢ်ဂ့ၤ, ပှၤထံဂၤကီၢ်ဂၤဖိလၢ အဟဲအိၣ်လၢ အဝဲသ့ၣ်​ အကျါမ့ၢ်ဂ့ၤ တၢ်သိၣ်တၢ်သီ ကဘၣ်အိၣ်ဝဲ တမံၤဃီ လၢသုဂီၢ်လီၤ.+