၂၅ “‘သုသကိးတဂၤ မ့ၢ်ဖှီၣ်လီၤ ဒီးမ့ၢ်ဆါလီၤ အဟီၣ်ခိၣ်န့ၣ်​ ပှၤပှ့ၤက့ၤတၢ် လၢအမ့ၢ် အဘူးအတံၢ်လၢ အဘူးဒီးအီၤတဂၤန့ၣ်​ ကဘၣ်ဟဲပှ့ၤက့ၤ တၢ်လၢအဘူးအတံၢ်တဂၤအံၤ ဆါလီၤဝဲန့ၣ်လီၤ.+ ၂၆ ပှၤပှ့ၤက့ၤတၢ်တဂၤ မ့ၢ်တအိၣ်ဘၣ်​ သနာ်က့ လၢခံ အနီၢ်ကစၢ် မ့ၢ်ကဲဒိၣ်ထီၣ်ဒီး အကျိၣ်စ့မ့ၢ်ယၢလၢ ကပှ့ၤက့ၤတၢ်အဂီၢ်န့ၣ်​ အဝဲပှ့ၤက့ၤအီၤသ့လီၤ. ၂၇ အဝဲဆါဝဲ ဟီၣ်ခိၣ်​ အိၣ်ပှဲၤနံၣ်လံလဲၣ်န့ၣ်​ အဝဲကဘၣ်​ ဒွးကွၢ်ဝဲ အပှ့ၤလီၤ. ဒီးကဘၣ်ထုးထီၣ်က့ၤ တၢ်အပှ့ၤအံၤလၢ အဆါလီၤတ့ၢ်ဝဲ ဟီၣ်ခိၣ်အံၤ အပှ့ၤအကျါ ဒီးအပှ့ၤလၢ အအိၣ်တ့ၢ်တဖၣ်န့ၣ်​ အဝဲ ကဘၣ်ဟ့ၣ်က့ၤ ပှၤလၢအပှ့ၤတၢ်တဂၤန့ၣ်လီၤ. ဒီးအဝဲ ကန့ၢ်ဘၣ်ကဒါက့ၤ အဟီၣ်ခိၣ်လီၤ.+