၁၄ “‘ဘၣ်ဃးဒီး တၢ်လုၢ်ဘုန့ၣ်​ တၢ်သိၣ်တၢ်သီ အိၣ်ဝဲဒ်အံၤလီၤ.+ စီၤအၤဟရိၣ်​ အဖိခွါတဖၣ်​ ကဘၣ်ဟဲစိာ် တၢ်လုၢ်ဘု လၢတၢ်လုၢ်လီၢ်လၢ ယဟိဝၤယွၤ အမဲာ်ညါလီၤ. ၁၅ လၢအဝဲသ့ၣ်အကျါတဂၤ ကဘၣ်ဟံးန့ၢ် တၢ်လုၢ်ဘု လၢအမ့ၢ် ကိၣ်ကမူၣ်​ လၢအဂ့ၤ တစှီၤလၢ အဃါဃုာ်ဒီးသိ ဒီးလီၢ်ဘၣ်လၢ အအိၣ်လၢ တၢ်လုၢ်ဘု အဖီခိၣ်​ ခဲလၢာ်လီၤ. ဒီးအဝဲ ဘၣ်ဒွဲၣ်ထီၣ်အီၤဒ် တၢ်လၢအခၢၣ်စး တၢ်လုၢ်ဒီတခါအသိးလၢ တၢ်လုၢ်လီၢ် အဖီခိၣ်​ ဒ်သိး အကခုၣ်ထီၣ်​ အဂီၢ်လီၤ. ဒီးအမ့ၢ်ဝဲ တၢ်နၢမူလၢ အမၤမုာ် ယဟိဝၤယွၤ အသးလီၤ.+ ၁၆ ဒီးတၢ်လၢ အအိၣ်တ့ၢ်တဖၣ်န့ၣ်​ စီၤအၤဟရိၣ်​ ဒီးအဖိခွါတဖၣ်​ ကဟံးန့ၢ်ဝဲ+ ဒီးတ့ဝဲကိၣ်လၢ အတပၣ်ဒီး ကိၣ်မံၣ်ဘၣ်​ ဒီးကအီၣ်ဝဲလၢ တၢ်စီဆှံအလီၢ် လၢအမ့ၢ် တၢ်အိၣ်ဖှိၣ်အဒဲ အတၢ်ပျီပူၤ လၢအအိၣ်လၢ ကရၢၢ်ပူၤလီၤ.+

၁၃ ပှၤလၢအမၤတၢ်လၢ တၢ်လုၢ်ဟံၣ်ပူၤန့ၣ် ဒိးန့ၢ်ဘၣ်တၢ်အီၣ်လၢ တၢ်လုၢ်ဟံၣ်ပူၤ တမ့ၢ်ဘၣ်ဧါ. ဒီးပှၤလၢအမၤတၢ်လၢ တၢ်လုၢ်လီၢ်ထီဘိန့ၣ် ဒိးန့ၢ်ဘၣ်ဝဲ တၢ်လၢပှၤလုၢ်ထီၣ်ဝဲတနီၤ တမ့ၢ်ဘၣ်ဧါ.+