၁၁ “‘ဖဲလါထီၣ်သီ ကိးလါဒဲးန့ၣ်​ သုကဘၣ်​ လုၢ်ထီၣ်​ ကျီၢ်ဖါဖိ ခံဒု, သိဖါတဒု ဒီးသိဖါဖိ နွံဒု လၢအလၢအပှဲၤ လၢအသးအိၣ်​ တနံၣ်​ ဒ်တၢ်လုၢ်ဒွဲၣ်အူ လၢယဟိဝၤယွၤ အအိၣ်အသိး+ ၁၂ ဒီးကိၣ်ကမူၣ်​ လၢအဂ့ၤ သၢကံလိဒီးတဝာ်* ဃါဃုာ်အသးဒီးသိ ဒ်တၢ်လုၢ်ဘုအသိး+ လၢကျီၢ်ဖါတဒု စုာ်စုာ်အဂီၢ် ဒီးကိၣ်ကမူၣ်​ လၢအဂ့ၤ ခံကံလိ ဃါဃုာ်အသးဒီးသိ ဒ်တၢ်လုၢ်ဘုအသိး လၢသိဖါ တဒုအဂီၢ်+ ၁၃ ဒီးကိၣ်ကမူၣ်​ လၢအဂ့ၤ တကံလိ ဃါဃုာ်အသးဒီးသိ ဒ်တၢ်လုၢ်ဘုအသိး လၢသိဖါဖိ တဒုစုာ်စုာ် အဂီၢ်လီၤ. တၢ်သ့ၣ်တဖၣ်န့ၣ်​ ကကဲထီၣ်​ တၢ်လုၢ်လၢ မ့ၣ်အူလၢ ယဟိဝၤယွၤအအိၣ်​ ဒီးတၢ်လုၢ်ဒွဲၣ်အူ လၢအမၤမုာ်အသးလီၤ.+