၃၆ ဒီးစီၤမရၤရံၤ အစၢၤအသွဲၣ်တဖၣ်န့ၣ်​ အိၣ်ဒီးမူဒါလၢ ကကွၢ်ထွဲဝဲ ဒဲစီဆှံ အသ့ၣ်ဘ့ၣ်ဘၣ်​ အကျီၤတဖၣ်,+ တၢ်အတီတဖၣ်,+ ဒဲအထူၣ်တဖၣ်,+ တၢ်အခီၣ်လီၢ်တဖၣ်, အတၢ်ပီးတၢ်လီခဲလၢာ်+ ဒီးတၢ်မၤခဲလၢာ်လၢ အဘၣ်ဃးဒီး တၢ်သ့ၣ်တဖၣ်န့ၣ်+ ၃၇ ဒီးတၢ်အထူၣ်တဖၣ်လၢ အအိၣ်ဝးတရံး တၢ်ပျီလၢ အအိၣ်လၢ ကရၢၢ်ပူၤ, တၢ်အထူၣ်​ အခီၣ်လီၢ်တဖၣ်,+ ထးခိၣ်စူတဖၣ်​ ဒီးအပျံၤတဖၣ်လီၤ.

၃၁ ဒ်အဝဲသ့ၣ်​ အတၢ်မၤလၢ တၢ်အိၣ်ဖှိၣ်အဒဲ အိၣ်ဝဲအသိးန့ၣ်​ အဝဲသ့ၣ်​ အိၣ်ဒီးမူဒါလၢ ကဘၣ်လဲၤစိာ်+ ဒဲစီဆှံ အသ့ၣ်ဘ့ၣ်ဘၣ်​ အကျီၤတဖၣ်,+ တၢ်အတီတဖၣ်,+ တၢ်အထူၣ်တဖၣ်+ ဒီးတၢ်အခီၣ်လီၢ်တဖၣ်,+ ၃၂ တၢ်အထူၣ်တဖၣ်လၢ+ အအိၣ်ဝးတရံး တၢ်ပျီလၢ အအိၣ်လၢ ကရၢၢ်ပူၤ, တၢ်အထူၣ်​ အခီၣ်လီၢ်တဖၣ်,+ အထးခိၣ်စူတဖၣ်,+ အပျံၤတဖၣ်​ ဃုာ်ဒီး အတၢ်ပီးတၢ်လီခဲလၢာ် လၢအဘၣ်ဃးဒီး တၢ်မၤအံၤလီၤ. အဝဲသ့ၣ်​ ကဘၣ်လဲၤစိာ် တၢ်ပီးတၢ်လီ မနုၤတဖၣ်လဲၣ်န့ၣ်​ သုကဘၣ်​ ဟ့ၣ်လီၤအဝဲသ့ၣ်မူဒါ ဒ်အဝဲသ့ၣ်​ အမံၤ အိၣ်ဝဲအသိးလီၤ. ၃၃ စီၤမရၤရံၤ အစၢၤအသွဲၣ်​ အဒူၣ်ဖိထၢဖိတဖၣ်န့ၣ်+ ကဘၣ်မၤတၢ်လၢ တၢ်အိၣ်ဖှိၣ်အဒဲ လၢပှၤလုၢ်တၢ်ဒိၣ်​ စီၤအၤဟရိၣ်​ အဖိခွါ စီၤအံသမၢ် အတၢ်ဟံးစုနဲၣ်ကျဲ အဖီလာ်လီၤ.”+