၁၃ အဝဲအတၢ်လုၢ်န့ၣ်​ မ့ၢ်ဝဲ လီခီစ့တဘ့ၣ်လၢ အဃၢဝဲ ၡက့လး* ၁၃၀ ဒီးလီခီဖျၢၣ်စ့ တဖျၢၣ်လၢ အဃၢဝဲ ၡက့လး ၇၀ ဒ်တၢ်စီဆှံအလီၢ် အၡက့လး အသိးလီၤ.+ ဒီးလီခီ ဒီးလီခီဖျၢၣ်​ ပှဲၤဝဲဒီး ကိၣ်ကမူၣ်လၢ အဂ့ၤလၢ အဃါဃုာ်အသးဒီးသိ လၢတၢ်လုၢ်ဘုအဂီၢ်,+ ၁၄ ဒီးထံခွးထူတဖျၢၣ်လၢ အဃၢဝဲ ၡက့လး ၁၀ လၢအပှဲၤဝဲဒီး တၢ်နၢမူ, ၁၅ ကျီၢ်ဖါဖိတဒု, သိဖါတဒု ဒီးသိဖါဖိ တဒုလၢ အအိၣ်တနံၣ်​ လၢတၢ်လုၢ်ဒွဲၣ်အူအဂီၢ်,+ ၁၆ မဲာ်တဲးလဲးဖိတဒုလၢ တၢ်လုၢ်လၢ တၢ်ဒဲးဘးအဂီၢ်+ ၁၇ ဒီးကျီၢ်ခံဒု, သိဖါယဲၢ်ဒု, မဲာ်တဲးလဲးဖါ ယဲၢ်ဒု ဒီးသိဖါဖိယဲၢ်ဒု လၢအအိၣ်ဝဲ တနံၣ်လၢ တၢ်လုၢ်အိၣ်ဃူအိၣ်ဖိး အဂီၢ်လီၤ.+ အဝဲန့ၣ်​ မ့ၢ်ဝဲ စီၤဧးမံၤနဒး အဖိခွါ စီၤနးၡိၣ်​ အတၢ်လုၢ်လီၤ.+