၁၁ “‘ပှၤတဂၤ လၢအကဟ့ၣ်လုၢ်ထီၣ်တၢ်လၢ အတၢ်ဒဲးဘးအဂီၢ်န့ၣ်​ အတၢ်မ့ၢ်တယၢဘၣ်လၢ အကဟဲစိာ်ဝဲ ထိၣ်လွံၢ် ခံဘ့ၣ်​ မ့တမ့ၢ် ထိၣ်ကးက့ၣ်ဖိ ခံဘ့ၣ်ဘၣ်န့ၣ်​ အကဘၣ်ဟဲစိာ်ဝဲ ကိၣ်ကမူၣ်လၢအဂ့ၤ တကံလိ*+ ဒ်တၢ်လုၢ်လၢ တၢ်ဒဲးဘးအဂီၢ် အသိးလီၤ. ဒီးမ့ၢ်လၢ အမ့ၢ်ဝဲ တၢ်လုၢ်လၢ တၢ်ဒဲးဘးအဂီၢ်အဃိ အဝဲတဘၣ်ဖၢနုာ် သိမ့ၢ်ဂ့ၤ လီၢ်ဘၣ်မ့ၢ်ဂ့ၤ လၢအပူၤဘၣ်. ၁၂ အဝဲကဟဲစိာ်ဝဲလၢ ပှၤလုၢ်တၢ်ဒိၣ်အအိၣ်​ ဒီးပှၤလုၢ်တၢ်ဒိၣ်​ ကဟံးန့ၢ်ဝဲ လၢအစုတစှီၤ ဒ်တၢ်လၢအခၢၣ်စး တၢ်လုၢ်ဒီတခါအသိး ဒီးကပာ်ဝဲလၢ ယဟိဝၤယွၤ အတၢ်လုၢ်လၢ မ့ၣ်အူ လၢအအိၣ်လၢ တၢ်လုၢ်လီၢ်အဖီခိၣ်​ အလိၤ ဒ်သိးအကခုၣ်ထီၣ်​ အဂီၢ်လီၤ. အဝဲအံၤ မ့ၢ်တၢ်လုၢ်လၢ တၢ်ဒဲးဘးအဂီၢ်လီၤ.