၁၂ “ဖဲသုလဲၤခီဂာ် ထံကျိယၢ်ဒ့ၣ်အခါ စူၤမ့းအိၣ်အဒူၣ်, လ့ၤဝံအဒူၣ်, ယူဒၤအဒူၣ်, ယံးစၣ်ကၢ်အဒူၣ်, ယိၤသးအဒူၣ်​ ဒီးဘံၣ်ယၤမံၣ်အဒူၣ်န့ၣ်​ ကဘၣ်ဆၢထၢၣ်လၢ ကစၢၢ်ကရံးစံၣ်အလိၤ+ ဒ်သိးကဆိၣ်ဂ့ၤ ပှၤဂီၢ်မုၢ်တဖၣ်အဂီၢ်လီၤ. ၁၃ ဒီးရူၤဘ့ၣ်အဒူၣ်, ကးအဒူၣ်, အၤၡ့ၢ်အဒူၣ်, စဘူလိၣ်အဒူၣ်, ဒၣ်အဒူၣ်​ ဒီးနးသၤလံအဒူၣ်န့ၣ်​ ကဘၣ်ဆၢထၢၣ်လၢ ကစၢၢ်ဧ့ၤဘါလး အလိၤ+ ဒ်သိး ကတဲဖျါထီၣ်​ တၢ်ဆိၣ်အၢအဂီၢ်လီၤ.

၃၃ ပှၤအံၣ်စရ့လးဖိခဲလၢာ်, အပှၤသူၣ်က့သးပှၢ်, အခိၣ်အနၢ် ဒီးအပှၤစံၣ်ညီၣ်ကွီၢ်တဖၣ်​ ဆၢထၢၣ်ဝဲလၢ ပှၤလုၢ်တၢ်ဒိၣ်တဖၣ်* လၢအယိးဝဲ ယဟိဝၤယွၤ အတလါစီဆှံအမဲာ်ညါ ခံကပၤလၢာ်န့ၣ်လီၤ. ပှၤအံၣ်စရ့လးဖိ အိၣ်ဝဲဖဲန့ၣ်​ တကးဒံးဘၣ်​ ပှၤထံဂၤကီၢ်ဂၤတဖၣ်​ အိၣ်ဝဲဖဲန့ၣ်စ့ၢ်ကီးလီၤ.+ (ဒ်ယဟိဝၤယွၤ အခ့အပှၤ စီၤမိၤၡ့ မၤလိာ်ပာ်စၢၤဝဲ လၢညါအသိး)+ အဝဲသ့ၣ်တဝာ်န့ၣ်​ ဆၢထၢၣ်လၢ ကစၢၢ်ကရံးစံၣ်အမဲာ်ညါ ဒီးလၢအဝဲတဝာ်န့ၣ်​ ဆၢထၢၣ်ဝဲလၢ ကစၢၢ် ဧ့ၤဘါလးအမဲာ်ညါ+ ဒ်သိးအဝဲသ့ၣ်​ ကဒိးန့ၢ်ဘၣ်​ တၢ်ဆိၣ်ဂ့ၤအဂီၢ်လီၤ. ၃၄ စီၤမိၤၡ့ အတၢ်သိၣ်တၢ်သီ+ ခဲလၢာ်လၢ အဘၣ်ဃးဒီး တၢ်ဆိၣ်ဂ့ၤမ့ၢ်ဂ့ၤ+ တၢ်ဆိၣ်အၢမ့ၢ်ဂ့ၤန့ၣ်+ စီၤယိၤၡူ ဖးထီၣ်ဝဲလၢ အကလုၢ်သီၣ်ဖးဒိၣ်​ ဒ်တၢ်ကွဲးလီၤအီၤလၢ စီၤမိၤၡ့အတၢ်သိၣ်တၢ်သီအပူၤ အသိးလီၤ.