၁၀ နကဘၣ်ဟ့ၣ်အီၤတၢ်လၢ တၢ်သူၣ်အိၣ်သးအိၣ်အပူၤ+ ဒီးနတဘၣ်ဟ့ၣ်အီၤတၢ်လၢ တၢ်သူၣ်တအိၣ်သးတအိၣ်​ အပူၤန့ၣ်ဘၣ်. နမ့ၢ်မၤဒ်န့ၣ်န့ၣ်​ နကစၢ် ယဟိဝၤယွၤ ကဆိၣ်ဂ့ၤ တၢ်လၢနမၤအီၤခဲလၢာ်လီၤ.+

၄၁ ပှၤလၢအဆိကမိၣ်န့ၢ်တၢ်လၢ ပှၤပတီၢ်ဖုၣ်အဂီၢ်န့ၣ်​ ကသးခုဝဲလီၤ.+

ဒီးလၢတၢ်နးတၢ်ဖှီၣ်​ အမုၢ်တနံၤန့ၣ်​ ယဟိဝၤယွၤ ကမၤပူၤဖျဲးအီၤလီၤ.

၂၄ ပှၤလၢအဟ့ၣ်တၢ်ညီန့ၣ်​ လၢခံ အတၢ်ကအိၣ်အါထီၣ်လီၤ.+

မ့မ့ၢ် ပှၤလၢ အကြၢးဟ့ၣ်တၢ် ဘၣ်ဆၣ်​ တဟ့ၣ်ဝဲဘၣ်န့ၣ်​ ကဖှီၣ်လီၤယာ်လီၤဝဲလီၤ.+

၁၇ ပှၤလၢ အပာ်ဖျါထီၣ်​ တၢ်သးကညီၤလၢ ပှၤပတီၢ်ဖုၣ်အဖီခိၣ်န့ၣ်​ မ့ၢ်ဒၣ်​ အဟ့ၣ်လိၢ်တၢ်လၢ ယဟိဝၤယွၤလီၤ.+

ဒီးခီဖျိတၢ်လၢ အမၤဝဲတဖၣ်အဃိ ကစၢ်ယွၤ ကဟ့ၣ်ဆၢက့ၤ အီၤလီၤ.+

၁၀ ဒ်သိး တၢ်အီၣ်ကအိၣ်လၢ ယဟံၣ်ပူၤအဂီၢ်န့ၣ်+ ဟဲစိာ် တၢ်ဆံဆဲၣ်ပူတပူခဲလၢာ် လၢတၢ်လုၢ်ဟံၣ်ပူၤတက့ၢ်.*+ ဘၣ်ဃးဒီး တၢ်ဂ့ၢ်တခါအံၤန့ၣ်​ ဝံသးစူၤ မၤကွၢ်ယၤသၢၤ. ဒီးသုကထံၣ်ဘၣ်လၢ ယကအိးထီၣ်​ မူခိၣ်အတြဲၤတဖၣ်+ ဒီးလူလီၤန့ၢ်သု* တၢ်ဆိၣ်ဂ့ၤ တုၤလၢ သုတလိၣ်ဘၣ်​ တၢ်နီတမံၤလၢၤဘၣ်လီၤ.”+ တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲဝဲဒ်န့ၣ်လီၤ.

၃၅ မ့မ့ၢ်သုန့ၣ်​ ဆဲးအဲၣ်သုဒုၣ်သုဒါ ဒီးမၤဂ့ၤတၢ်တက့ၢ်. ဒီးသုမ့ၢ်ဟ့ၣ်လိၢ်တၢ်န့ၣ်​ တဘၣ်မုၢ်လၢ်လၢ သုကက့ၤဒိးန့ၢ်ဘၣ်က့ၤတဂ့ၤ.+ သုမ့ၢ်မၤဒ်န့ၣ်န့ၣ်​ သုကဒိးန့ၢ်ဘၣ်​ ခိၣ်ဖးဖးဒိၣ်. ဒီးသုကကဲထီၣ်​ တၢ်ထီကတၢၢ်တဂၤ အဖိခွါတဖၣ်, မ့ၢ်လၢ အသးဂ့ၤလၢ ပှၤလၢအတသ့ၣ်ညါ တၢ်အဘျုးအဖှိၣ်​ ဒီးပှၤအၢပှၤသီတဖၣ်​ အဖီခိၣ်ဒၣ်လဲာ် အဃိလီၤ.+