၁၈ “လၢဝ့ၢ်ကိးဖျၢၣ်ဒဲးလၢ သုကစၢ် ယဟိဝၤယွၤ ဟ့ၣ်လီၤသု အပူၤန့ၣ်​ သုကဘၣ်​ ဃုထၢထီၣ်​ စံၣ်ညီၣ်ကွီၢ်တဖၣ်+ ဒီးပဒိၣ်တဖၣ်လၢ ပှၤအံၣ်စရ့လးဖိ အဒူၣ်​ တဒူၣ်စုာ်စုာ် အဂီၢ်လီၤ. အဝဲသ့ၣ်​ ကဘၣ်​ စံၣ်ညီၣ်န့ၢ်တၢ်လၢ ပှၤဂီၢ်မုၢ်အဂီၢ် တီတီလိၤလိၤလီၤ.

၈ “လၢသုဝ့ၢ် တဖျၢၣ်ဖျၢၣ်အပူၤန့ၣ်​ တၢ်ဂ့ၢ်ကီ မ့ၢ်အိၣ်ထီၣ်​ ဒ်သိးဒီး တၢ်မၤသံ ပှၤကညီမ့ၢ်ဂ့ၤ,+ တၢ်ဂ့ၢ်လၢ အဘၣ်ထွဲဒီး တၢ်မူးတၢ်ရၢ်မ့ၢ်ဂ့ၤ, တၢ်မၤဆူၣ်မၤစိးမ့ၢ်ဂ့ၤ မ့တမ့ၢ် တၢ်ဂ့ၢ်လိာ်ဘှီလိာ်လၢ အဂၤတဖၣ်​ ဒီးတၢ်ဂ့ၢ်အံၤ မ့ၢ်ကီတလၢ လၢသုကစံၣ်ညီၣ်ဆၢတဲာ်တၢ်အဂီၢ်န့ၣ်​ သုကဘၣ်​ လဲၤလၢ တၢ်လီၢ်လၢ သုကစၢ် ယဟိဝၤယွၤ ဃုထၢထီၣ်ဝဲန့ၣ်လီၤ.+ ၉ သုကဘၣ်လဲၤလၢ ပှၤလုၢ်တၢ်ဒိၣ်တဖၣ်* ဒီးစံၣ်ညီၣ်ကွီၢ်လၢ+ အကဲစံၣ်ညီၣ်ကွီၢ် လၢတၢ်ဆၢကတီၢ်ဖဲန့ၣ်​ အအိၣ်​ ဒီးသံကွၢ်သံဒိးတၢ် ဒီးအဝဲသ့ၣ်​ ကဆၢတဲာ်န့ၢ်တၢ် လၢသုဂီၢ်လီၤ.+

၁၆ ပှၤအုၣ်အသးလၢ အတတီတလိၤတဂၤ မ့ၢ်အုၣ်အသး ဒီးပာ်ဒ့ၣ်ပာ်ကမၣ်​ ပှၤတဂၤ ဘၣ်ဃးဒီး တၢ်ဂ့ၢ်တမံၤမံၤန့ၣ်+ ၁၇ ပှၤခံဂၤအံၤ ကဘၣ်ဆၢထၢၣ်လၢ ယဟိဝၤယွၤ, ပှၤလုၢ်တၢ်ဒိၣ်တဖၣ်​ ဒီးစံၣ်ညီၣ်ကွီၢ်လၢ အကဲစံၣ်ညီၣ်ကွီၢ် လၢဆၢကတီၢ်ဖဲန့ၣ်တဖၣ်​ အမဲာ်ညါလီၤ.+