၁၄ ဒီးကီၢ်ဆၢန့ၣ်​ ဘၣ်တၢ်မၤနီၣ်အီၤလၢ မုၢ်နုာ်တခီ ဒီးအလဲၤတရံးဝဲ လၢကလံၤထံးတခီ စးထီၣ်လၢ ကစၢၢ်လၢ အမဲာ်ဃၣ်ဃီၤအသး လၢဝ့ၢ်ဘ့ၤသဃိရိၣ်​ လၢကလံၤထံး တခီလီၤ. ဒီးကီၢ်ဆၢန့ၣ်​ ကတၢၢ်ဝဲဖဲ ပှၤယူဒၤဖိအဝ့ၢ် ကံးရယးဘဧၤလး လၢအမ့ၢ် ကံးရယးယဧၤရံၣ်လီၤ.+ အဝဲအံၤ မ့ၢ်ဝဲ ကီၢ်ဆၢလၢ မုၢ်နုာ်တခီလီၤ.

၅ အဃိ စီၤဒၤဝံး ကိးဖှိၣ်ဝဲ ပှၤအံၣ်စရ့လးဖိခဲလၢာ် စးထီၣ်လၢ ကီၢ်အဲၤကူပတူး အထံကျိ* ပၢၢ်တုၤလၢ လံၤဘိၤဃမါသး*+ ဒ်သိး ကလဲၤဟံးန့ၢ်က့ၤ ယွၤလၢအမ့ၢ်အတီတဂၤ အတလါစီဆှံ လၢအအိၣ်လၢ ဝ့ၢ်ကံးရယးယဧၤရံၣ်+ အဂီၢ်န့ၣ်လီၤ.

၆ စီၤဒၤဝံး ဒီးအံၣ်စရ့လး အပှၤဂီၢ်မုၢ်ခဲလၢာ် လဲၤဝဲလၢ ဝ့ၢ်ဘဧၤလၤ+ လၢအမ့ၢ် ဝ့ၢ်ကံးရယးယဧၤရံၣ်​ လၢအအိၣ်လၢ ယူဒၤအဒူၣ်​ အဟီၣ်ကဝီၤပူၤ ဒ်သိး ကဟံးန့ၢ် ယွၤအမ့ၢ်အတီ လၢအဆ့ၣ်နီၤလၢ အလီၢ်ပစိာ်လၢ ခ့ရူာ်တဖၣ်​ အဖီခိၣ်*+ အတလါစီဆှံလီၤ. လၢတလါစီဆှံ အမဲာ်ညါန့ၣ်​ ညီနုၢ် ပှၤကိးထီၣ်​ ယဟိဝၤယွၤ အမံၤလီၤ.