-
၁ ၡမူၤအ့လး ၁၈:၆-၈ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၆ ဖဲစီၤဒၤဝံး ဒီးသုးဖိလၢ အအိၣ်ဒီးအီၤတဖၣ် မၤသံပှၤဖလ့ၡသးဖိ ဝံၤဒီးဟဲက့ၤဝဲအခါ ပိာ်မုၣ်တဖၣ်လၢ အအိၣ်လၢ အံၣ်စရ့လးအဝ့ၢ်ခဲလၢာ်အပူၤ ဟဲထီၣ်စိာ်ဃုာ်ဒီး တၢ်ခြ့ခြ့တဖၣ်+ ဒ်သိးအကသဂၢၢ် စီၤပၤစီလူးအဂီၢ် ဒီးအဝဲသ့ၣ် ဂဲၤကလံၣ် ဒီးသးဝံၣ်တၢ်လီၤ.+ ဒီးအဝဲသ့ၣ် ပှဲၤဒီးတၢ်သးခု ဒီးဒ့ဝဲတနၢ်တဖၣ်လီၤ. ၇ ပိာ်မုၣ်လၢ အမၤတၢ်သူၣ်ဖှံသးညီတဖၣ် သးဝံၣ်ဝဲလၢ
“စီၤစီလူး မၤသံ ပှၤလၢအကထိတဖၣ်,
မ့မ့ၢ် စီၤဒၤဝံးန့ၣ် မၤသံ ပှၤလၢ အကလးတဖၣ်လီၤ.”+
၈ အဃိ စီၤစီလူး သးပှံၢ်ထီၣ်တၢ်ဒိၣ်မး+ ဒီးတဘၣ်သူၣ်ဘၣ်သးဝဲ တၢ်သးဝံၣ်တဖျၢၣ်န့ၣ်ဘၣ်. ဒီးအဝဲတဲဝဲလၢ “အဝဲသ့ၣ် တဲဝဲလၢ စီၤဒၤဝံး အမၤသံ ပှၤလၢအကလးတဖၣ်, မ့မ့ၢ်ယၤန့ၣ် အဝဲသ့ၣ် တဲဝဲ ထဲအကထိတဖၣ်လီၤ. လၢခံ အဝဲသ့ၣ် ကဘၣ်သး ဒုးကဲထီၣ်အီၤလၢ စီၤပၤလီၤ.”+
-
-
၁ ၡမူၤအ့လး ၂၉:၄, ၅ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၄ ဘၣ်ဆၣ် ပှၤဖလ့ၡသးဖိ အခိၣ်အနၢ်တဖၣ် သးဒိၣ်ထီၣ်ဝဲ စီၤအၤကံၣ် ဒီးတဲအီၤလၢ “နီက့ၤပှၤတဂၤအံၤ.+ ဒီးမၢအက့ၤလၢ တၢ်လီၢ်လၢ နဒုးအိၣ်အီၤန့ၣ်သၢၤ. တဘၣ်ပျဲ အဝဲလဲၤဒီးပှၤ လၢတၢ်ဒုးအပူၤတဂ့ၤ, အကထီဒါက့ၤဘၣ်ဖုးပှၤ လၢတၢ်ဒုးအပူၤလီၤ.+ ဒီးကျဲလၢအဂ့ၤကတၢၢ်လၢ အကဒိးန့ၢ်ဘၣ် အကစၢ်တဂၤန့ၣ် အတၢ်ဘၣ်သးအဂီၢ်န့ၣ် မ့ၢ်ဝဲခီဖျိလၢ အက့ၤစိာ်ဝဲ ပပှၤတဖၣ် အခိၣ်သၣ်ဃံ တမ့ၢ်ဧီၤ. ၅ ပှၤတဂၤအံၤ မ့ၢ်ဝဲ စီၤဒၤဝံးလၢ လၢညါပှၤဂဲၤကလံၣ် ဒီးသးဝံၣ်တၢ် ဘၣ်ဃးဒီးအဂ့ၢ်လၢ
‘စီၤစီလူး မၤသံပှၤအကထိတဖၣ်,
မ့မ့ၢ်စီၤဒၤဝံးန့ၣ် မၤသံ ပှၤလၢ အကလးတဖၣ်’+ တမ့ၢ်ဧီၤ.”
-