၃ “ပှၤဧၣ်မိၣ်ဖိ ဒီးပှၤမိၤအးဖိန့ၣ်​ နုာ်လီၤလၢ ယဟိဝၤယွၤ အတၢ်အိၣ်ဖှိၣ်အပူၤ တန့ၢ်နီတဂၤဘၣ်.+ အဝဲသ့ၣ်​ အစၢၤအသွဲၣ်​ တုၤလီၤလၢ အစိၤတဆံဒၣ်လဲာ် နုာ်လီၤလၢ ယဟိဝၤယွၤ အတၢ်အိၣ်ဖှိၣ်အပူၤ တန့ၢ်နီတဂၤဘၣ်, ၄ မ့ၢ်လၢ ဖဲသုဟးထီၣ်လၢ ကီၢ်အဲၤကူပတူး အပူၤအခါ အဝဲသ့ၣ်​ တဟ့ၣ်မၤစၢၤသုလၢ တၢ်အီၣ်တၢ်အီဘၣ်.+ တကးဒံးဘၣ်​ အဝဲသ့ၣ်​ ငါဝဲ စီၤဘဧိၢ် အဖိခွါ စီၤဘံးလၣ်လၢ ကဆိၣ်အၢသု အဂီၢ်လီၤ. စီၤဘံးလၣ်န့ၣ်​ အိၣ်ဟဲလၢ ပသူၢ် လၢကီၢ်မ့းစပတၤမံလီၤ.+ ၅ ဘၣ်ဆၣ်​ သုကစၢ် ယဟိဝၤယွၤ တဒိကနၣ်​ စီၤဘံးလၣ်ဘၣ်.+ လၢတၢ်န့ၣ်အလီၢ် မ့ၢ်လၢ သုကစၢ် ယဟိဝၤယွၤ အဲၣ်သုအဃိ+ သုကစၢ် ယဟိဝၤယွၤ ဆီတလဲက့ၤ တၢ်ဆိၣ်အၢ လၢတၢ်ဆိၣ်ဂ့ၤလီၤ.+ ၆ သုတဘၣ်မၤစၢၤ အဝဲသ့ၣ်​ ဒ်သိး အဝဲသ့ၣ်​ ကအိၣ်ဘၣ်​ မုာ်မုာ်ခုၣ်ခုၣ်​ ဒီးအိၣ်ဘၣ်​ ဘီၣ်ဘီၣ်ညီညီဘၣ်.+