၉ ဖဲဃမါသး အစီၤပၤတိဧူၤ နၢ်ဟူဘၣ်ဝဲလၢ စီၤဒၤဝံး မၤနၢၤဝဲ စိဘၤဘီမုၢ်+ အစီၤပၤ စီၤဟးဒးဧ့စ့ၢ်+ အသုးမုၢ် ဒီတဖုအခါ ၁၀ တဘျီဃီန့ၣ်​ စီၤတိဧူၤ ဆှၢလီၤ အဖိခွါ စီၤဟဒိၣ်ရၣ်​ လၢစီၤဒၤဝံး အအိၣ်​ ဒ်သိးကဆၢဂ့ၤ ဆၢဝါအီၤ ဒီးပတြၢၤအီၤ ခီဖျိလၢ အမၤနၢၤ စီၤဟးဒးဧ့စ့ၢ် အဃိလီၤ. (လၢညါန့ၣ်​ စီၤဟးဒးဧ့စ့ၢ် ဒုးတၢ်ဒီး စီၤတိဧူၤ တလီၢ်လီၢ်လီၤ.) ဒီးအဝဲလဲၤစိာ်ဝဲ တၢ်ဖိတၢ်လံၤ အကလုာ်ကလုာ် လၢအဘၣ်တၢ်တ့အီၤလၢ ထူ, စ့ညၣ်​ ဒီးတိၢ်ဘီလီၤ. ၁၁ စီၤပၤဒၤဝံး ပာ်စီဆှံဝဲ တၢ်သ့ၣ်တဖၣ်အံၤလၢ ယဟိဝၤယွၤအအိၣ်+ ဃုာ်ဒီး စ့ညၣ်​ ဒီးထူလၢ အမၤန့ၢ်ဝဲလၢ ပှၤကလုာ်ခဲလၢာ် အအိၣ်လီၤ. ပှၤကလုာ်တဖၣ်န့ၣ်​ မ့ၢ်ဝဲ ပှၤအဒိၣ်ဖိ, ပှၤမိၤအးဖိ, ပှၤဧၣ်မိၣ်ဖိ,+ ပှၤဖလ့ၡသးဖိ+ ဒီးပှၤဧမၤလ့းဖိလီၤ.+