၉ ဒီးဝံအလံၤၡါ ကိးန့ၢ်ဝဲ ပှၤလၢအပၣ်ဃုာ်လၢ ဝံအဖိခွါတဖၣ်အကျါတဂၤ ဒီးတဲအီၤလၢ “ခးချ့ၣ်ထီၣ်​ နတၢ်ကူတၢ်ကၤတဖၣ်​ လၢနယီၢ်ဒ့ ဒီးလဲၤစိာ်သိတကိအံၤ ဒီးလဲၤကရီလၢ ဝ့ၢ်ရၤမိးကံးလဧး တက့ၢ်.+ ၂ ဖဲနလဲၤတုၤ ဖဲန့ၣ်အခါ ဃုကွၢ် စီၤယဟိၤၡၤဖးအဖိခွါ စီၤယ့ၤဟူ+ လၢအမ့ၢ် စီၤနံၣ်ၡံ အလံၤခွါ တက့ၢ်. လဲၤနုာ်ဒီး မၢအဟးထီၣ်လၢ ပှၤခိၣ်ပှၤနၢ်တဖၣ်အကျါ ဒီးလဲၤကိးအီၤလၢ ဒၢးလၢတၢ်လီၢ်ခံတဖျၢၣ်​ အပူၤတက့ၢ်. ၃ ဒီးဟံးန့ၢ် သိတကိ, လူလီၤအီၤလၢ အခိၣ်လိၤ ဒီးတဲလၢ ‘ယဟိဝၤယွၤ တဲဝဲဒ်အံၤ, “ယဒိးဖှူနၤ ဒ်စီၤပၤအသိးလၢ အံၣ်စရ့လး အဖီခိၣ်လီၤ.”’+ ဝံၤဒီး အိးထီၣ်ပဲတြီ ဒီးဃ့ၢ်ထီၣ်ကွံာ် တဘျီဃီတက့ၢ်.”

၃၀ ဖဲစီၤယ့ၤဟူ လဲၤတုၤလၢ ဝ့ၢ်ယံးစရ့လးအခါ+ နီၢ်အံၤစ့ဘ့ၤလး+ နၢ်ဟူဘၣ်ဝဲလီၤ. အဃိ အဝဲဒွံးသူထီၣ်​ အမဲာ်ဖံး, ကယၢကယဲထီၣ်​ အခိၣ်ဆူၣ်​ ဒီးကွၢ်စိလီၤတၢ်လၢ ပဲတြီဖိလီၤ. ၃၁ ဖဲစီၤယ့ၤဟူ လဲၤနုာ်လီၤဖျိလၢ ဝ့ၢ်အတြဲၤအခါ နီၢ်အံၤစ့ဘ့ၤလး တဲဝဲလၢ “စီၤစံၣ်ရံၤ လၢအမ့ၢ် ပှၤလၢအမၤသံအစီၤပၤန့ၣ်​ တၢ်မၤအသးဒီးအီၤ ဒ်လဲၣ်.”+ ၃၂ စီၤယ့ၤဟူ ကွၢ်ထီၣ်တၢ်လၢ ပဲတြီဖိ ဒီးတဲဝဲလၢ “မတဂၤ အိၣ်ဃူယၤလဲၣ်. မတဂၤလဲၣ်.”+ တဘျီဃီန့ၣ်​ ပဒိၣ်​ ခံဂၤသၢဂၤ ကွၢ်လီၤအီၤလီၤ. ၃၃ ဒီးစီၤယ့ၤဟူ တဲဝဲလၢ “ကွံာ်လီၤအီၤသၢၤ.” အဃိ အဝဲသ့ၣ်​ ကွံာ်လီၤအီၤ ဒီးအသွံၣ်တနီၤ ဖျိးဝဲလၢ တၢ်ဒူၣ်ကပၤ ဒီးလၢကသ့ၣ်တဖၣ်အလိၤ ဒီးအကသ့ၣ်တဖၣ်​ ယီၢ်တံၢ်အီၤလီၤ.