၅ ဖဲပှၤစူၤရံဖိလၢ ဝ့ၢ်ဒၤမ့ၤစ့း+ ဟဲမၤစၢၤဝဲ စိဘၤ ဘီမုၢ်အစီၤပၤ စီၤဟးဒးဧ့စ့ၢ်အခါ စီၤဒၤဝံး မၤသံကွံာ် ပှၤစူၤရံဖိ အဂၤ ၂၂,၀၀၀ လီၤ.+ ၆ ဒီးစီၤဒၤဝံး ဆီလီၤသုးခိးတၢ်လီၢ်တဖၣ်လၢ ဝ့ၢ်ဒၤမ့ၤစ့း လၢကီၢ်စူၤရံအပူၤလီၤ. ဒီးပှၤစူၤရံဖိတဖၣ်​ ကဲထီၣ်စီၤဒၤဝံး အခ့အပှၤ ဒီးဘၣ်ဟ့ၣ်ဝဲ တၢ်ခိတၢ်သွဲလီၤ. ဖဲစီၤဒၤဝံး လဲၤတပူၤဂ့ၤ တပူၤဂ့ၤန့ၣ်​ ယဟိဝၤယွၤ ဟ့ၣ်အီၤတၢ်မၤနၢၤလီၤ.+ ၇ ဒီးစီၤဒၤဝံး ဟံးန့ၢ်ကတီၤထူတဖၣ်လၢ စီၤဟးဒးဧ့စ့ၢ် အခ့အပှၤတဖၣ်​ အအိၣ်ဒီး ဟဲက့ၤစိာ်ဝဲလၢ ဝ့ၢ်ယရူၤၡလ့ၣ်လီၤ.+ ၈ စီၤပၤဒၤဝံး ဟံးန့ၢ်ဝဲ တိၢ်ဘီ အါအါဂီၢ်ဂီၢ်လၢ စီၤဟးဒးဧ့စ့ၢ် အဝ့ၢ်ဘ့ၤတၤ ဒီးအဝ့ၢ်ဘ့ၤရိသးန့ၣ်လီၤ.