-
၂ ၡမူၤအ့လး ၈:၁၅-၁၈ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၁၅ စီၤဒၤဝံး ဆဲးပၢဝဲ အံၣ်စရ့လးခဲလၢာ်+ ဒီးစီၤဒၤဝံး စံၣ်ညီၣ်န့ၢ်တၢ်လၢ အပှၤဂီၢ်မုၢ်ခဲလၢာ်အဂီၢ်+ တီတီလိၤလိၤလီၤ.+ ၁၆ နီၢ်စရူယၤ အဖိခွါ စီၤယိၤအာ်+ မ့ၢ်ဝဲ သုးခိၣ်ကျၢၢ် ဒီးစီၤအဃံလူး အဖိခွါ စီၤယဟိၤၡၤဖး+ မ့ၢ်ဝဲ ပှၤကွဲးနီၣ်တၢ်ဖိလီၤ. ၁၇ ဒီးစီၤအဃံးတူာ် အဖိခွါ စီၤစၤဒိး+ ဒီးစီၤအ့ဘယၤသၢ် အဖိခွါ စီၤအဃံၤမ့လ့းန့ၣ် မ့ၢ်ဝဲ ပှၤလုၢ်တၢ်ဒိၣ်တဖၣ် ဒီးစီၤစရါယၤ မ့ၢ်ဝဲ နဲၣ်ရွဲၣ်လီၤ. ၁၈ ဒီးစီၤယဟိၤယဒါ အဖိခွါ စီၤဘနါယၤန့ၣ်+ မ့ၢ်ဝဲ ပှၤကရံသးဖိ ဒီးပှၤပလ့သးဖိ+ အခိၣ် ဒီးစီၤဒၤဝံး အဖိခွါတဖၣ် ကဲထီၣ်ဝဲ ပှၤခိၣ်ပှၤနၢ် လၢအပတီၢ်ထီတဖၣ်လီၤ.
-
-
၂ ၡမူၤအ့လး ၂၃:၃, ၄ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၃ အံၣ်စရ့လး အကစၢ်ယွၤ တဲဝဲ,
ဒီးအံၣ်စရ့လး အလၢၢ်တဲယၤလၢ,+
‘ပှၤလၢ အပၢပှၤဟီၣ်ခိၣ်ဖိတဂၤ မ့မ့ၢ်ပှၤလၢအတီအလိၤ+
ဒီးပၢတၢ်လၢ တၢ်ပျံၤယွၤအပူၤန့ၣ်+
၄ လီၤဂာ်ဒ် မုၢ်ဆ့ၣ်ထီၣ် အတၢ်ကပီၤ ဖဲမုၢ်ဟဲဆဲးလီၤဝဲအခါ,+
ဒီးဂီၤခီထီၣ်လၢ တၢ်အၢၣ် တအိၣ်ဘၣ်.
ဒီးလီၤဂာ်ဒ် တၢ်ကပီၤထီၣ်ဖဲ မူခိၣ်စူၤဝံၤအလီၢ်ခံ,
လၢအဒုးမဲထီၣ် နီၣ်ဧိၤမံၤဧိၤ လၢ ဟီၣ်ခိၣ်ချၢန့ၣ်လီၤ.’+
-