၂ စီၤမနၤၡ့ၤ မၤတၢ်လၢ ယဟိဝၤယွၤ ထံၣ်ဝဲလၢအအၢ ဒီးအဝဲမၤတၢ်လၢ အလီၤသးဘၣ်အၢ ဒ်ပှၤကလုာ်တဖၣ်လၢ+ ယဟိဝၤယွၤ နီဟးထီၣ်ကွံာ်လၢ အံၣ်စရ့လး အမဲာ်ညါ မၤဝဲအသိးန့ၣ်လီၤ.+ ၃ အဝဲတ့ထီၣ်က့ၤ တၢ်လီၢ်ထီၣ်ထီတဖၣ်လၢ အပၢ်စီၤဃံးစကံယၤ မၤလီၤမၢ်ကွံာ်ဝဲ+ ဒီးအဝဲတ့ထီၣ်​ တၢ်လုၢ်လီၢ်တဖၣ်​ လၢဘဧၤလးအဂီၢ် ဒီးအဝဲတ့ထီၣ်​ တၢ်စီဆှံအထူၣ်*+ ဒ်အံၣ်စရ့လး အစီၤပၤအၤဃာ် မၤတ့ၢ်ဝဲအသိးလီၤ.+ ဒီးအဝဲဘူၣ်ထီၣ်ဘါထီၣ်ဝဲ မူခိၣ်အသုးမုၢ်ခဲလၢာ်* ဒီးမၤအဝဲသ့ၣ်​ အတၢ်လီၤ.+ ၄ စီၤမနၤၡ့ၤ တ့ထီၣ်စ့ၢ်ကီး တၢ်လုၢ်လီၢ်တဖၣ်လၢ ယဟိဝၤယွၤ အဟံၣ်အပူၤလီၤ.+ ဘၣ်ဃးဒီး ဟံၣ်တဖျၢၣ်အံၤ ယဟိဝၤယွၤ တဲပာ်စၢၤဝဲလၢ “လၢဝ့ၢ်ယရူၤၡလ့ၣ်အပူၤန့ၣ်​ ယမံၤကအိၣ်​ ဖဲန့ၣ်လီၤ.”+ ၅ ဒီးလၢ ယဟိဝၤယွၤ အဟံၣ်​ အတၢ်ပျီခံဘ့ၣ်အပူၤန့ၣ်+ အဝဲတ့ထီၣ်​ တၢ်လုၢ်လီၢ်တဖၣ်​ လၢမူခိၣ်အသုးမုၢ်တဖၣ်​ အဂီၢ်လီၤ.+ ၆ ဒီးအဝဲလုၢ်ထီၣ်​ အဖိခွါလၢ မ့ၣ်အူလီၤ. တကးဒံးဘၣ်​ အဝဲအူတၢ်သမူတၢ်, ကၢ်တၢ်ဒွးတၢ်+ ဒီးပာ်ထီၣ်ဝဲ ပှၤလၢအဆဲးကျိးဒီးပှၤသံ ဒီးပှၤလၢ အဟီဆိပာ်စၢၤတၢ်တဖၣ်လီၤ.+ တၢ်လၢ ယဟိဝၤယွၤ ထံၣ်ဝဲလၢ အအၢန့ၣ်​ အဝဲမၤဝဲ အါအါဂီၢ်ဂီၢ် ဒီးမၤဆါ ကစၢ်ယွၤအသးလီၤ.