၁၀ ဒီးစီၤပၤအၤဃး လဲၤထံၣ်လိာ်အသးဒီး ကီၢ်အၤၡူၢ် အစီၤပၤတံးကလးပလ့စ့ၢ် ဖဲဝ့ၢ်ဒၤမ့ၤစ့းလီၤ. ဖဲစီၤပၤအၤဃး ထံၣ်ဘၣ်​ တၢ်လုၢ်လီၢ်တဖျၢၣ်လၢ အအိၣ်ဝဲလၢ ဝ့ၢ်ဒၤမ့ၤစ့းအပူၤအခါ အဝဲဆှၢလီၤန့ၢ်ဝဲ ပှၤလုၢ်တၢ်ဒိၣ်​ စီၤဧူၤရံယၤလၢ တၢ်လုၢ်လီၢ် အတၢ်ဂီၤအဒိ လၢအပာ်ဖျါထီၣ်လၢ ပှၤတ့ထီၣ်အီၤ ဒ်လဲၣ်ဒ်လဲၣ်န့ၣ်လီၤ.+ ၁၁ အဃိ ပှၤလုၢ်တၢ်ဒိၣ်​ စီၤဧူၤရံယၤ+ တ့ထီၣ်ဝဲ တၢ်လုၢ်လီၢ်တဖျၢၣ်+ ဒ်သိးဒီး တၢ်ဟံးစုနဲၣ်ကျဲတဖၣ်လၢ စီၤပၤအၤဃး ဆှၢလီၤန့ၢ်အီၤလၢဝ့ၢ်ဒၤမ့ၤစ့းန့ၣ်လီၤ. တချုးလၢ စီၤပၤအၤဃး ဟဲက့ၤတုၤဒံးဘၣ်န့ၣ်​ ပှၤလုၢ်တၢ်ဒိၣ်​ စီၤဧူၤရံယၤ တ့ထီၣ်​ တၢ်လုၢ်လီၢ် ဝံၤဝဲလီၤ.