-
၂ စီၤပၤ ၂၁:၇-၉ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၇ တၢ်စီဆှံအထူၣ်+ အတၢ်ဂီၤလၢ အဝဲစိးပျၤထီၣ်ဝဲန့ၣ် အဝဲပာ်လီၤဝဲလၢ တၢ်လုၢ်ဟံၣ်ပူၤလီၤ. ဘၣ်ဃးဒီး ဟံၣ်တဖျၢၣ်အံၤ ယဟိဝၤယွၤ တဲပာ်စၢၤ စီၤဒၤဝံး ဒီးအဖိခွါ စီၤၡလိၤမိၤ ဒ်အံၤ, “လၢအံၣ်စရ့လး အဒူၣ်တဖၣ် အဟီၣ်ကဝီၤအပူၤ ယဃုထၢထီၣ် ဟံၣ်တဖျၢၣ်အံၤ ဒီးဝ့ၢ်ယရူၤၡလ့ၣ် ဒ်သိးယမံၤ ကအိၣ်ဖဲန့ၣ် ထီဘိအဂီၢ်လီၤ.+ ၈ ဒီးအံၣ်စရ့လး အပှၤဂီၢ်မုၢ် မ့ၢ်မၤထွဲ ယခ့ယပှၤ စီၤမိၤၡ့ အတၢ်သိၣ်တၢ်သီခဲလၢာ် လၢအမ့ၢ် တၢ်ခဲလၢာ်လၢ ယမၤလိာ်အဝဲသ့ၣ်န့ၣ်+ ယတနီဟးထီၣ် အဝဲသ့ၣ်လၢ ကီၢ်တဘ့ၣ်လၢ ယဟ့ၣ်လီၤ အဝဲသ့ၣ် အမိၢ်ပၢ်ဖံဖု လၢပျၢၤတဖၣ်န့ၣ်+ နီတဘျီလၢၤဘၣ်.” ၉ ဘၣ်ဆၣ် အဝဲသ့ၣ်တဒိကနၣ်ဘၣ် ဒီးစီၤမနၤၡ့ၤ ဆဲးဆှၢကမၣ်အဝဲသ့ၣ် ဒီးဆီၣ်ထွဲအဝဲသ့ၣ်လၢ ကမၤတၢ်အၢအၢသီသီ နးန့ၢ်ဒံး ပှၤကလုာ်တဖၣ်လၢ ယဟိဝၤယွၤ မၤဟးဂီၤကွံာ်လၢ ပှၤအံၣ်စရ့လးဖိ အမဲာ်ညါန့ၣ်လီၤ.+
-