၅ လၢဝ့ၢ်ကံးဘိၣ်အပူၤန့ၣ်​ ယဟိဝၤယွၤ လီၣ်ဖျါထီၣ်အသးလၢ စီၤၡလိၤမိၤအအိၣ်​ လၢတၢ်မံမီၢ်အပူၤလၢ မုၢ်နၤခီ ဒီးကစၢ်ယွၤ တဲအီၤလၢ “ဃ့ယၤတၢ်လၢ နလီကီတက့ၢ်.”+ ၆ ဖဲန့ၣ်​ စီၤၡလိၤမိၤ တဲဝဲလၢ “နခ့နပှၤ ယပၢ်စီၤဒၤဝံး လဲၤတၢ်လၢနမဲာ်ညါ လၢတၢ်သးတီအပူၤ, လၢတၢ်တီတၢ်လိၤအပူၤ ဒီးလၢတၢ်သူၣ်ဘျၢ သးဘျၢအပူၤအဃိ နပာ်ဖျါထီၣ်​ တၢ်အဲၣ်လၢ အတီလၢ အဖီခိၣ်ဒိၣ်မးလီၤ. ဒီးနဆဲးပာ်ဖျါထီၣ်​ တၢ်အဲၣ်လၢအတီ လၢအဖီခိၣ်ဒိၣ်မး တုၤလၢ မုၢ်မဆါတနံၤအံၤ ခီဖျိလၢ နဟ့ၣ်လီၤအီၤ ဖိခွါတဂၤလၢ အကဆ့ၣ်နီၤလၢ အလီၢ်ပစိာ် အဖီခိၣ်လီၤ.+ ၇ ကစၢ် ယဟိဝၤယွၤဧၢ, ယကဲဒံး ပှၤသးစၢ်တဂၤ ဒီးယတၢ်လဲၤခီဖျိ တအိၣ်ဘၣ်​ သနာ်က့ နဒုးကဲထီၣ်ယၤ လၢစီၤပၤ လၢယပၢ်စီၤဒၤဝံး အလီၢ်လီၤ.+ ၈ ယဘၣ်ပၢ ပှၤဂီၢ်မုၢ်လၢ နဃုထၢအီၤ+ လၢအနီၣ်ဂံၢ်အါဝဲ တုၤဒၣ်လဲာ် ပှၤဂံၢ်အီၤတဘၣ်ဘၣ်တဖၣ်လီၤ. ၉ နပှၤဂီၢ်မုၢ်လၢ အအိၣ်ဝဲ အါအါဂီၢ်ဂီၢ်န့ၣ်​ မတဂၤ စံၣ်ညီၣ်န့ၢ်တၢ်လၢ အဝဲသ့ၣ်အဂီၢ်+ ကသ့တဂၤလဲၣ်. အဃိ ဟ့ၣ်ယၤ* သးလၢ အအိၣ်ဒီးတၢ်ဒိကနၣ်​ ဒ်သိးယကစံၣ်ညီၣ်န့ၢ်တၢ်လၢ နပှၤဂီၢ်မုၢ် ဒီးနီၤဖး တၢ်ဂ့ၤ ဒီးတၢ်အၢ အဂီၢ်တက့ၢ်.”+