၂၄ ဖဲန့ၣ်အခါ သုဖိခွါ ဒီးပှၤထံဂၤကီၢ်ဂၤဖိတဖၣ်​ ကတဲဝဲလၢ ‘ကီၢ်တဘ့ၣ်အံၤန့ၣ်​ ဘၣ်မနုၤအဃိ ယဟိဝၤယွၤ မၤအီၤ ဒ်အံၤလဲၣ်,+ ဘၣ်မနုၤအဃိ အဝဲသးဒိၣ်ထီၣ်တၢ် ထဲအံၤလဲၣ်.’ ၂၅ ဒီးပှၤကတဲဆၢဝဲလၢ ‘မ့ၢ်လၢအဝဲသ့ၣ်​ မၤဟးဂီၤအမိၢ်ပၢ်ဖံဖု လၢပျၢၤတဖၣ်​ အကစၢ် ယဟိဝၤယွၤ အတၢ်အၢၣ်လီၤအီလီၤ+ အဃိလီၤ. ကစၢ်ယွၤ မၤဝဲ တၢ်အၢၣ်လီၤအီလီၤအံၤဒီး အဝဲသ့ၣ်​ ဖဲအဒုးဟးထီၣ်​ အဝဲသ့ၣ်​ လၢကီၢ်အဲၤကူပတူး အခါလီၤ.+

၉ “ဒီးယဖိခွါ စီၤၡလိၤမိၤဧၢ, ယဟိဝၤယွၤ ဃုကွၢ် ပှၤကိးဂၤဒဲး အသူၣ်အသး+ ဒီးအဝဲသ့ၣ်ညါနၢ်ပၢၢ် ပတၢ်ပာ်သူၣ်ပာ်သး ဒီးပတၢ်ဆိကမိၣ်​ ကိးမံၤဒဲး+ အဃိ နကဘၣ်​ သ့ၣ်ညါနၢ်ပၢၢ်ထီၣ်​ နပၢ်အကစၢ်ယွၤ တဂၤအံၤ ဒီးမၤအတၢ်မၤလၢ နသးဒီဖျၢၣ်+ ဒီးလၢတၢ်သူၣ်ဖှံသးညီ အပူၤလီၤ. နမ့ၢ်ဃုအီၤန့ၣ်​ အဝဲကပျဲဝဲလၢ နကထံၣ်န့ၢ်အီၤ+ ဘၣ်ဆၣ်​ နမ့ၢ်ပာ်တ့ၢ်အီၤန့ၣ်​ အဝဲကပာ်တ့ၢ်နၤ လီၤထူလီၤယိာ်လီၤ.+

၂ စီၤဧစၤရယၤ လဲၤထံၣ်လိာ်သးဒီး စီၤအၤစါ ဒီးတဲအီၤလၢ “စီၤအၤစါ ဒီးယူဒၤအဒူၣ်​ ဒီးဘံၣ်ယၤမံၣ်​ အဒူၣ်သ့ၣ်ဧၢ, ကနၣ်လၢအံၤ, သုမ့ၢ်အိၣ်ဒီး ယဟိဝၤယွၤန့ၣ်​ အဝဲကအိၣ်ဒီးသုလီၤ.+ သုမ့ၢ်ဃုအီၤန့ၣ်​ အဝဲကပျဲဝဲလၢ သုကထံၣ်န့ၢ်အီၤ+ ဘၣ်ဆၣ်​ သုမ့ၢ်ပာ်တ့ၢ်ကွံာ်အီၤန့ၣ်​ အဝဲကပာ်တ့ၢ်ကွံာ်သုလီၤ.+