၁၇ စီၤယဟိၤယဒါ သံဝံၤအလီၢ်ခံ ယူဒၤအပဒိၣ်ဖးဒိၣ်တဖၣ်​ ဟဲထိၣ်လီၤပှီၤအသးလၢ စီၤပၤအမဲာ်ညါ ဒီးစီၤပၤဒိကနၣ်​ အဝဲသ့ၣ်လီၤ. ၁၈ ဒီးပှၤဂီၢ်မုၢ်တဖၣ်​ ပာ်တ့ၢ်ကွံာ် အဝဲသ့ၣ်​ အမိၢ်ပၢ်ဖံဖု လၢပျၢၤတဖၣ်​ အကစၢ် ယဟိဝၤယွၤအဟံၣ်​ ဒီးအဝဲသ့ၣ်​ ဘူၣ်ထီၣ်ဘါထီၣ်ဝဲ တၢ်စီဆှံအထူၣ်တဖၣ်* ဒီးတၢ်ဂီၤတၢ်ဖှီၣ်တဖၣ်လီၤ. ခီဖျိလၢ အဝဲသ့ၣ်​ အတၢ်ကမၣ်​ အဃိ ကစၢ်ယွၤ အတၢ်သးထီၣ်​ လီၤဘၣ်လၢ ယူဒၤဒီးဝ့ၢ်ယရူၤၡလ့ၣ်​ အပူၤလီၤ.