၅ အဃိ အကစၢ်ယဟိဝၤယွၤ ဟ့ၣ်လီၤကွံာ်အီၤလၢ ကီၢ်စူၤရံ အစီၤပၤအစုပူၤလီၤ.+ ဒီးပှၤစူၤရံဖိတဖၣ်​ မၤနၢၤအီၤ ဒီးက့ၤဖီၣ်ပှၤအါဂၤဆူ ဝ့ၢ်ဒၤမ့ၤစ့းလီၤ.+ ဒီးကစၢ်ယွၤ ဟ့ၣ်လီၤကွံာ် စ့ၢ်ကီးအီၤလၢ အံၣ်စရ့လး အစီၤပၤအစုပူၤ ဒီးအံၣ်စရ့လး အစီၤပၤန့ၣ်​ မၤသံအဝဲသ့ၣ်​ အါအါဂီၢ်ဂီၢ်လီၤ. ၆ ဒီးမ့ၢ်လၢ ယူဒၤအပှၤဂီၢ်မုၢ် ပာ်တ့ၢ်ကွံာ် အမိၢ်ပၢ်ဖံဖု လၢပျၢၤတဖၣ်​ အကစၢ် ယဟိဝၤယွၤအဃိ+ လၢတနံၤဃီ အတီၢ်ပူၤန့ၣ်​ စီၤရမါလယၤ အဖိခွါ စီၤပ့ကး+ မၤသံဝဲ အဝဲသ့ၣ်​ အပှၤပိာ်ခွါလၢ အသူၣ်ဒူသးဒူအဂၤ ၁၂၀,၀၀၀ လီၤ. ၇ ဒီးပှၤအ့ဖရဲၣ်ဖိ အသုးဖိလၢ အဂံၢ်ဆူၣ်ဘါဆူၣ်တဂၤ လၢအမ့ၢ် စီၤစံးကရံန့ၣ်​ မၤသံဝဲစီၤပၤ အဖိခွါ စီၤမၤစ့ယၤ, စီၤဧးစရံကၣ်​ လၢအမ့ၢ် ပှၤလၢအတီခိၣ်ရိၤမဲတၢ်လၢ နီပူၤ ဒီးစီၤအ့လကါနၤ လၢအမ့ၢ် ပှၤအဒိၣ်ကတၢၢ် ခံဂၤတဂၤလၢ စီၤပၤအဖီလာ်န့ၣ်လီၤ. ၈ တကးဒံးဘၣ်​ လၢယူဒၤအပူၤန့ၣ်​ ပှၤအံၣ်စရ့လးဖိ က့ၤဖီၣ်ဝဲ ပိာ်မုၣ်​ ဒီးဖိဒံဖိသၣ်တဖၣ်* အဂၤ ၂၀၀,၀၀၀ လီၤ. အဝဲသ့ၣ်​ ဟံးန့ၢ်စ့ၢ်ကီး တၢ်ဖိတၢ်လံၤ အါအါဂီၢ်ဂီၢ် ဒီးက့ၤစိာ်ဝဲ တၢ်ဖိတၢ်လံၤတဖၣ်န့ၣ်လၢ ၡၤမရံလီၤ.+