၈ ဖဲအဝဲသ့ၣ်​ ဟဲက့ၤလၢ ယွၤလၢအမ့ၢ်အတီအဟံၣ်​ လၢယရူၤၡလ့ၣ်​ ဝံၤအလီၢ်ခံ ခံနံၣ်တနံၣ်, လါခံလါတလါန့ၣ်​ စီၤၡၤလတံၤအ့လး အဖိခွါ စီၤစရူဘၤဘ့လး ဒီးစီၤယိၤစါဒး အဖိခွါ စီၤယ့ၤၡူ ဒီးအဝဲသ့ၣ်​ အဒီပုၢ်ဝဲၢ် လၢအမ့ၢ် ပှၤလုၢ်တၢ်ဒိၣ်တဖၣ်​ ဒီးပှၤလ့ၤဝံဖိတဖၣ်​ ဒီးပှၤလၢ အဘၣ်တၢ်က့ၤဖီၣ်အီၤတဖၣ်* လၢအဟဲက့ၤလၢ ဝ့ၢ်ယရူၤၡလ့ၣ်န့ၣ်+ စးထီၣ်ဝဲတၢ်မၤအံၤလီၤ. ဒီးအဝဲသ့ၣ်​ ပာ်ထီၣ်ဝဲ ပှၤလ့ၤဝံဖိ လၢအသးအိၣ်​ အနံၣ်​ ၂၀ ဒီးဆူအဖီခိၣ်တဖၣ်​ ဒ်ပှၤလၢအတီခိၣ်ရိၤမဲ တၢ်မၤလၢ အဘၣ်ဃးဒီး ယဟိဝၤယွၤ အဟံၣ်န့ၣ်လီၤ.

၂ ဖဲန့ၣ်အဆၢကတီၢ် စီၤၡၤလတံၤအ့လး အဖိခွါ စီၤစရူဘၤဘ့လး+ ဒီးစီၤယိၤစါဒး အဖိခွါ စီၤယ့ၤၡူန့ၣ်+ စးထီၣ်တ့ထီၣ်က့ၤဝဲ ကစၢ်ယွၤအဟံၣ်+ လၢယရူၤၡလ့ၣ်လီၤ. ဒီးကစၢ်ယွၤ အဝံတဖၣ်​ အိၣ်ဒီးအဝဲသ့ၣ်​ ဒီးဆီၣ်ထွဲမၤစၢၤ အဝဲသ့ၣ်လီၤ.+

၃ ဒီးအဝဲ ဒုးနဲၣ်ယၤလၢ ပှၤလုၢ်တၢ်ခိၣ်​ အဒိၣ်ကတၢၢ် စီၤယိၤၡူ+ ဆၢထၢၣ်လၢ ယဟိဝၤယွၤ အမူခိၣ်ကလူး အမဲာ်ညါ ဒီးမုၣ်ကီၤလံၢ်*+ ဆၢထၢၣ်လၢ အစုထွဲတခီ ဒ်သိး ကထီဒါအီၤ အဂီၢ်လီၤ.