၁၈ ယကပာ်ဖျါထီၣ် တၢ်လၢအကမၤအသးဒီး ပှၤလၢအမၤဟးဂီၤ ယတၢ်အၢၣ်လီၤအီလီၤလီၤ. အဝဲသ့ၣ် ကျီသ့ၣ်ဖးဝဲ ကျီၢ်ဖိတဒုန့ၣ်ခံက့ ဝံၤဒီးဟးဝဲလၢ ကျီၢ်ဖိခံက့န့ၣ် အဘၢၣ်စၢၤ+ ဒီးမၤဝဲ တၢ်အၢၣ်လီၤအီလီၤလၢ ယမဲာ်ညါလီၤ. ဘၣ်ဆၣ် အဝဲသ့ၣ် တမၤထွဲဝဲ ဒ်တၢ်ကတိၤတဖၣ်လၢ အအၢၣ်လီၤဝဲန့ၣ်ဘၣ်. ၁၉ ပှၤလၢအဟးဝဲလၢ ကျီၢ်ဖိလၢ အဘၣ်တၢ်ကျီသ့ၣ်ဖးအီၤ ခံက့န့ၣ် အဘၢၣ်စၢၤန့ၣ် မ့ၢ်ဝဲ ယူဒၤအပဒိၣ်ဖးဒိၣ်တဖၣ်, ဝ့ၢ်ယရူၤၡလ့ၣ် အပဒိၣ်ဖးဒိၣ်တဖၣ်, ပဒိၣ်တဖၣ်, ပှၤလုၢ်တၢ်ဒိၣ်တဖၣ် ဒီးပှၤထံဖိကီၢ်ဖိ ခဲလၢာ်လီၤ. ၂၀ ယကဟ့ၣ်လီၤကွံာ် အဝဲသ့ၣ်လၢ အဒုၣ်အဒါ ဒီးပှၤလၢ အဃုမၤသံအီၤတဖၣ် အစုပူၤ ဒီးအဝဲသ့ၣ် အစိၣ်န့ၣ် ကကဲထီၣ် ထိၣ်လၢအယူၤလၢ တၢ်ဖးဖီတဖၣ် အတၢ်အီၣ် ဒီးဆၣ်ဖိကီၢ်ဖိလၢအဒူတဖၣ် အတၢ်အီၣ်လီၤ.+