၁၀ “နကဘၣ်​ သူၣ်အီၣ်ဖျးအီၣ်တၢ် လၢနကီၢ်အပူၤ ဒီးပာ်ဖှိၣ်​ တၢ်လၢအမဲထီၣ်သၣ်ထီၣ်တဖၣ်​ ဃုနံၣ်လီၤ.+ ၁၁ ဘၣ်ဆၣ်​ ဖဲနွံနံၣ်တနံၣ်န့ၣ်​ နတဘၣ်​ သူၣ်လီၤဖျးလီၤတၢ်လၢ အပူၤဘၣ်​ ဒီးနဘၣ်​ ပာ်အီၤ ဒ်န့ၣ်လီၤ. ဒီးပှၤဖှီၣ်ဖိယာ်ဖိလၢအိၣ်လၢ သုကျါန့ၣ်​ ကအီၣ်တၢ်လၢ အမဲထီၣ်ဖဲန့ၣ်​ ဒီးတၢ်လၢ အဝဲသ့ၣ်​ ပာ်တ့ၢ်ဝဲတဖၣ်န့ၣ်​ ဆၣ်ဖိကီၢ်ဖိအမံၤတဖၣ်​ ကအီၣ်ဘၣ်ဝဲလီၤ. နစပံးကျီးဒီး နသ့ၣ်စၤယံး အလီၢ်န့ၣ်​ နကဘၣ်မၤအီၤ ဒ်န့ၣ်စ့ၢ်ကီးလီၤ.

၄ မ့မ့ၢ် နွံနံၣ်တနံၣ်န့ၣ်​ ကဘၣ်မ့ၢ် တၢ်အိၣ်ဘှံးအနံၣ်လၢ ထံကီၢ်အဂီၢ် ဒ်တၢ်အိၣ်ဘှံးအနံၣ်လၢ အဘၣ်တၢ်ပာ်စီဆှံအီၤလၢ ယဟိဝၤယွၤ အဂီၢ်လီၤ. အဃိ နတဘၣ်​ ဖှံတၢ်ချံလၢ နစံာ်ပျီပူၤဘၣ်​ ဒီးနတဘၣ်​ ပဲာ်ဟိကဆှီထီၣ်​ နစပံးကျီးဘၣ်. ၅ ဖဲသုကူးဘုဝံၤ အလီၢ်ခံ ဘုလၢအဟဲမဲထီၣ်​ လၢအနီၢ်ကစၢ် ခီဖျိတၢ်ချံလၢ အအိၣ်လီၤတဲာ်လၢ ဟီၣ်ခိၣ်လိၤအဃိန့ၣ်​ သုတဘၣ်​ ကူးအီၤဘၣ်. ဒီးစပံးမုၢ်လၢ သုတပဲာ်ဟိကဆှီဘၣ်န့ၣ်​ သုတဘၣ်​ ထၢဖှိၣ်အသၣ်ဘၣ်. သုကဘၣ်​ ပာ်အိၣ်ဘှံးထံကီၢ် တနံၣ်လီၤ.