၆ အဃိ လၢတၢ်မံမီၢ်အပူၤ ယွၤလၢ အမ့ၢ်အတီတဂၤ တဲအီၤလၢ “ယသ့ၣ်ညါလၢ နမၤတၢ်အံၤ လၢတၢ်သူၣ်ဘျၢသးဘျၢ အပူၤအဃိ ယတြီနၤ ဒ်သိးနသု တမၤကမၣ်ဘၣ်ယၤ တဂ့ၤအဂီၢ်လီၤ. လၢတၢ်န့ၣ်အဃိ ယတဟ့ၣ်အခွဲးလၢ နကထိးဘူး ပိာ်မုၣ်အံၤဘၣ်. ၇ အခဲအံၤ ဟ့ၣ်ကဒါက့ၤ ပှၤတဂၤန့ၣ်​ အမါတက့ၢ်. ဒီးမ့ၢ်လၢအမ့ၢ် ဝံတဂၤအဃိ+ အကဃ့ကညးန့ၢ် တၢ်လၢနဂီၢ်+ ဒီးနကဆဲးအိၣ်မူလီၤ. ဘၣ်ဆၣ်​ နမ့ၢ်တဟ့ၣ်ကဒါက့ၤ ပိာ်မုၣ်အံၤဘၣ်န့ၣ်​ နကဘၣ်နၢ်ပၢၢ်လၢ နၤဒီးပှၤလၢ အဘၣ်ဃးဒီးနၤ ခဲလၢာ်န့ၣ်​ ကသံဝဲ သပှၢ်ကတၢၢ်လီၤ.”

၁၉ တကးဒံးဘၣ်​ ဖဲစီၤပံၤလး ဆ့ၣ်နီၤဝဲလၢ ပှၤစံၣ်ညီၣ်တၢ် အလီၢ်ဆ့ၣ်နီၤ အလိၤအခါ အမါဆှၢလီၤတၢ်ကစီၣ်​ လၢအအိၣ်​ ဒီးတဲဝဲလၢ “တဘၣ်မၤဘၣ်ဃးနသးဒီး ပှၤတီပှၤလိၤတဂၤန့ၣ်​ နီတစဲးတဂ့ၤ. တနံၤအံၤ လၢယတၢ်မံမီၢ်အပူၤန့ၣ်​ ယတူၢ်ဘၣ်တၢ်နးမး လၢအဃိလီၤ.”