၂ လၢခံ ဖဲမုၢ်နံၤလၢ ကစၢ်ယွၤ လၢအမ့ၢ်အတီ အဖိခွါတဖၣ်*+ ဟဲပာ်ဖျါထီၣ်အသးလၢ ယဟိဝၤယွၤ အမဲာ်ညါအခါ+ မုၣ်ကီၤလံၢ်* စ့ၢ်ကီး ဟဲနုာ်လီၤလၢ အဝဲသ့ၣ်အကျါ ဒ်သိးကပာ်ဖျါထီၣ်အသးလၢ ယဟိဝၤယွၤ အမဲာ်ညါလီၤ.+

၂ ဒီးယဟိဝၤယွၤ တဲဘၣ်​ မုၣ်ကီၤလံၢ်လၢ “နဟဲဖဲလဲၣ်.” မုၣ်ကီၤလံၢ် တဲဆၢက့ၤ ယဟိဝၤယွၤလၢ “ယဟးဝ့ၤဝီၤ လၢဟီၣ်ခိၣ်ချၢ ဒီးလဲၤတၢ်က့ၤတၢ် လၢအပူၤလီၤ.”+ ၃ ဒီးယဟိဝၤယွၤ တဲမုၣ်ကီၤလံၢ်လၢ “မ့ၢ်နပာ်သူၣ်ပာ်သးဘၣ်​ ယခ့ယပှၤ စီၤယိၤဘးဧါ. လၢဟီၣ်ခိၣ်ချၢန့ၣ်​ ပှၤလီၤဂာ်ဒ်သိးဒီးအီၤ တအိၣ်နီတဂၤဘၣ်. အဝဲမ့ၢ် ပှၤတီပှၤလိၤ လၢအအိၣ်ဒီး တၢ်သးတီ,*+ အပျံၤကစၢ်ယွၤ ဒီးဟးဆှဲး တၢ်အၢလီၤ. နအဲၣ်ဒိးလၢ ယကမၤဟးဂီၤအီၤ+ ခီလီလီ သနာ်က့ အဝဲပၢၤဃာ်ဒံး အတၢ်သးတီ ဂၢၢ်ဂၢၢ်ကျၢၤကျၢၤလီၤ.”+