၁၈ ဘၣ်ဆၣ်​ မ့မ့ၢ် ယူဒၤဘီမုၢ် အစီၤပၤ လၢအဆှၢလီၤသု ဒ်သိး သုကသံကွၢ်တၢ်လၢ ယၤ, ယဟိဝၤယွၤ အအိၣ်န့ၣ်​ သုကဘၣ်တဲအီၤဒ်အံၤလီၤ. “အံၣ်စရ့လးအကစၢ် ယဟိဝၤယွၤ တဲဝဲလၢ ‘ခီဖျိလၢ တၢ်ကတိၤလၢ နနၢ်ဟူဘၣ်အီၤတဖၣ်န့ၣ်​ ၁၉ ထိၣ်ဟူးထိၣ်ဂဲၤထီၣ်နသး* ဒီးနဆီၣ်လီၤနသးလၢ+ ယၤ, ယဟိဝၤယွၤ အမဲာ်ညါ, နဖှီညာ်လီၤနဆ့ကၤ+ ဒီးနဟီၣ်လၢ ယမဲာ်ညါ ဖဲနနၢ်ဟူဘၣ်​ ယတၢ်စံၣ်ညီၣ်လၢ တၢ်လီၢ်အံၤ ဒီးပှၤလၢအအိၣ်ဖဲန့ၣ်တဖၣ်​ ကကဲထီၣ်တၢ်လၢ အလီၤပျံၤလီၤဖုး ဒီးကဘၣ်တၢ်ဆိၣ်အၢ အဃိ ယၤ, ယဟိဝၤယွၤ စ့ၢ်ကီးတဲနၤလၢ ယနၢ်ဟူ နတၢ်ထုကဖၣ်လံ.

၁၃ စီၤမနၤၡ့ၤ ဆဲးဃ့ထုကဖၣ်လၢ ကစၢ်ယွၤအအိၣ်​ ဒီးအတၢ်ဃ့ကညးန့ၣ်​ ထုးန့ၢ် ကစၢ်ယွၤအသး ဒီးကစၢ်ယွၤ ဒိကနၣ်​ အတၢ်ဃ့လၢ တၢ်သးကညီၤ အဂီၢ်လီၤ. ကစၢ်ယွၤ ဒုးက့ၤအီၤလၢ ဝ့ၢ်ယရူၤၡလ့ၣ်​ ဒီးဟ့ၣ်ကဒါက့ၤအီၤလၢ အဘီမုၢ်တၢ်ပၢလီၤ.+ ဖဲန့ၣ်အခါ စီၤမနၤၡ့ၤ သ့ၣ်ညါထီၣ်ဝဲလၢ ယဟိဝၤယွၤ မ့ၢ်ယွၤလၢ အမ့ၢ်အတီတဂၤလီၤ.+

၂၄ ပှၤလၢအဘၣ်တၢ်ဆီၣ်သနံးအီၤ အတၢ်နးတၢ်ဖှီၣ်န့ၣ်​ ယွၤတကွၢ်ကပာ်ကွံာ်ဝဲဘၣ်​ ဒီးအတပာ်အသးဒ် အတသ့ၣ်ညါဝဲအသိးဘၣ်.+

ယွၤတပာ်သဒၢအမဲာ်လၢ အအိၣ်ဘၣ်.+

ဖဲအဝဲကိးထီၣ်ယွၤလၢ တၢ်မၤစၢၤအဂီၢ်န့ၣ်​ ယွၤဒိကနၣ်ဝဲလီၤ.+

၁၃ ပှၤလၢအပာ်ခူသူၣ်​ အတၢ်ကမၣ်တဖၣ်န့ၣ်​ တဘီၣ်ထီၣ်ညီထီၣ်ဘၣ်.+

မ့မ့ၢ် ပှၤလၢ အအၢၣ်လီၤအတၢ်ကမၣ်​ ဒီးတမၤဝဲလၢၤဘၣ်န့ၣ်​ ကဒိးန့ၢ်ဘၣ်​ တၢ်သးကညီၤလီၤ.+

၂၂ ဘၣ်ဆၣ်​ ပၢ်န့ၣ်​ တဲဘၣ်အကုၢ်တဖၣ်လၢ ‘မၤချ့ချ့, ဟဲစိာ်ဆ့ဖးထီလၢ အဂ့ၤကတၢၢ်တဘ့ၣ်​ ဒီးဒုးသိးထီၣ်အီၤ ဒီးဖျီၣ်ထီၣ်ပသံးလၢ အစုလိၤ ဒီးဒုးဒိးထီၣ်အီၤ ခီၣ်ဖံးဟီ. ၂၃ တကးဒံးဘၣ်​ ဟဲမူၤကျီၢ်ဖိလၢ အဘီၣ်တဒု, မၤသံအီၤ ဒီးပကအီၣ်သကိး ဒီးသူၣ်ဖှံသးညီသကိး, ၂၄ မ့ၢ်လၢ ယဖိခွါတဂၤအံၤ အသံတ့ၢ်ဝဲဘၣ်ဆၣ်​ ဟဲက့ၤသမူထီၣ်က့ၤလံ+ ဒီးအဟးဖျိးဝဲ ဘၣ်ဆၣ်​ အဟဲက့ၤကဒါက့ၤလံ.’ ဒီးအဝဲသ့ၣ်​ စးထီၣ်မၤဝဲ တၢ်သူၣ်ဖှံသးညီလီၤ.

၁၃ မ့မ့ၢ် ပှၤထၢတၢ်ခိတၢ်သွဲဖိ တဂၤန့ၣ်​ ဆၢထၢၣ်ဝဲလၢအယံၤ, ကျ့ၣ်ထီၣ်အမဲာ်လၢမူခိၣ်​ တဘူၣ်ဘၣ်​ ဒီးဒဲလီၤအသးနါပှၢ် ဒီးတဲဝဲလၢ ‘အိ ကစၢ်ယွၤဧၢ, ယမ့ၢ် ပှၤတၢ်ဒဲးဘးဖိတဂၤလီၤ,+ သးကညီၤယၤတက့ၢ်.’ ၁၄ ယကတဲဘၣ်သုလၢ ပှၤတဂၤအံၤ ဖဲအက့ၤလၢ အဟံၣ်အခါ ကစၢ်ယွၤထံၣ်အီၤလၢ အတီလိၤ ဒိၣ်န့ၢ်ဒံး ပှၤဖၤရံၤၡဲတဂၤလီၤ.+ ပှၤကိးဂၤဒဲးလၢ အပာ်ထီၣ်ထီအသးန့ၣ်​ တၢ်ကဆီၣ်လီၤအီၤ, မ့မ့ၢ်ပှၤလၢ အဆီၣ်လီၤအသးန့ၣ်​ ကဘၣ်​ တၢ်ပာ်ထီၣ်ထီအီၤလီၤ.”+