၂၉ တကးဒံးဘၣ်​ စီၤမိၤၡ့ ဟ့ၣ်လီၤဝဲ တၢ်န့ၢ်သါလၢ ပှၤမနၤၡ့ၤဖိ အဒူၣ်​ တဝာ်အဂီၢ် ဒ်အဒူၣ်ဖိထၢဖိတဖၣ်​ အိၣ်ဝဲအသိးလီၤ.+ ၃၀ ဒီးအဝဲသ့ၣ်​ အဟီၣ်ကဝီၤ စးထီၣ်အသးလၢ မၤဃန့ၤ+ ဒီးပၣ်ဃုာ်ဒီး ကီၢ်ဘၤၡၣ်​ အတၢ်လီၢ်ခဲလၢာ်, ကီၢ်ဘၤၡၣ်​ အစီၤပၤဧိာ် အဘီအမုၢ် ခဲလၢာ် ဒီးစီၤယၤအံၢ်+ အဒူသဝီခဲလၢာ် လၢအအိၣ်လၢ ကီၢ်ဘၤၡၣ်​ အပူၤလီၤ. အဃိ အဝဲသ့ၣ်​ အဟီၣ်ကဝီၤပူၤ ပၣ်ဃုာ်ဒီး သဝီအဖျၢၣ်​ ၆၀ န့ၣ်လီၤ. ၃၁ ဒီးကံးလဧး အဟီၣ်ကဝီၤ တဝာ် ဒီးဝ့ၢ်ဧၤၡတြိး ဒီးဝ့ၢ်အ့ဒြံၤ+ လၢအမ့ၢ် ဝ့ၢ်တဖၣ်လၢ စီၤဧိာ်အဘီအမုၢ်လၢ ကီၢ်ဘၤၡၣ်​ အပူၤန့ၣ်​ ဘၣ်တၢ်ဟ့ၣ်နီၤလီၤအီၤလၢ စီၤမနၤၡ့ၤ အဖိခွါ စီၤမၤကံၢ်+ အဖိအလံၤ တဝာ်အအိၣ်​ ဒ်အဝဲသ့ၣ်​ အဒူၣ်ဖိထၢဖိတဖၣ်​ အိၣ်ဝဲအသိးလီၤ.