၁၁ အဝဲသ့ၣ်​ သးဝံၣ်လိာ်န့ၢ်အသး ယၢ်ခီယၢ်ခီ+ လၢကစံးထီၣ်ပတြၢၤ ဒီးစံးဘျုးစံးဖှိၣ်​ ယဟိဝၤယွၤ အဂီၢ်လီၤ. အဝဲသ့ၣ်​ သးဝံၣ်ဝဲလၢ “ကစၢ်ယွၤ မ့ၢ်ပှၤအဂ့ၤ ဒီးအတၢ်အဲၣ်လၢအတီ လၢအံၣ်စရ့လး အဖီခိၣ်န့ၣ်​ အိၣ်ဂၢၢ်ဆိးကျၢၤ လီၤထူလီၤယိာ်လီၤ.”+ ဒီးပှၤခဲလၢာ် စံးထီၣ်ပတြၢၤ ယဟိဝၤယွၤ လၢအကလုၢ်ဖးဒိၣ်​ ခီဖျိလၢ ပှၤဆီလီၤ ယဟိဝၤယွၤ အဟံၣ်အခီၣ်ထံး ဝံၤဝဲအဃိလီၤ.

၁၀ “ယဟိဝၤယွၤ တဲဝဲလၢ ‘သုကတဲလၢ တၢ်လီၢ်အံၤ အိၣ်သယုၢ်ဝဲအဃိ ပှၤကညီမ့ၢ်ဂ့ၤ, ဆၣ်ဖိကီၢ်ဖိလၢပှၤဘုၣ်အီၤမ့ၢ်ဂ့ၤ တအိၣ်ဘၣ်. ဒီးလၢယူဒၤအဝ့ၢ်တဖၣ် အပူၤမ့ၢ်ဂ့ၤ, လၢဝ့ၢ်ယရူၤၡလ့ၣ် အကျဲတဖၣ်အပူၤမ့ၢ်ဂ့ၤ ပှၤကညီ ဒီးဆၣ်ဖိကီၢ်ဖိလၢပှၤဘုၣ်အီၤ တအိၣ်ဘၣ်. ဘၣ်ဆၣ် ဖဲတၢ်လီၢ်တဖၣ်န့ၣ် သုကနၢ်ဟူဘၣ်ကဒီး ၁၁ တၢ်သးခုအကလုၢ်, တၢ်သူၣ်ဖှံသးညီအကလုၢ်,+ တလးမူးပိာ်ခွါ အကလုၢ် ဒီးတလးမူးပိာ်မုၣ် အကလုၢ် ဒီးသုကနၢ်ဟူဘၣ် ပှၤတဲလၢ “မ့ၢ်လၢ ယဟိဝၤယွၤန့ၣ် မ့ၢ်ပှၤလၢအဂ့ၤ+ ဒီးအတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်+ အဃိ စံးဘျုးစံးဖှိၣ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤတက့ၢ်.”’

“ယဟိဝၤယွၤ တဲဝဲလၢ ‘ယကဟဲက့ၤကိးက့ၤပှၤလၢ အဘၣ်တၢ်က့ၤဖီၣ်အီၤတဖၣ် အဃိအဝဲသ့ၣ် ကဟဲစိာ် တၢ်လုၢ်စံးဘျုးစံးဖှိၣ်က့ၤတဖၣ်လၢ ယၤ, ယဟိဝၤယွၤ အဟံၣ်ပူၤ+ ဒ်လၢညါအသိးလီၤ.’”