• စံးထီၣ်ပတြၢၤ ၁၂:၅
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    •  ၅ ယဟိဝၤယွၤ တဲဝဲလၢ “မ့ၢ်လၢ ပှၤဘၣ်နးဘၣ်ဖှီၣ်တဖၣ်န့ၣ်​ ဘၣ်တၢ်ဆီၣ်တံၢ်မၤနၢၤအီၤ

      ဒီးပှၤဖှီၣ်ဖိယာ်ဖိတဖၣ်န့ၣ်​ ဘၣ်ကအုကစွါအဃိ+

      ယကဂဲၤဆၢထၢၣ်​ မၤပူၤဖျဲး အဝဲသ့ၣ်လီၤ.

      ယကမၤပူၤဖျဲးအဝဲသ့ၣ်လၢ ပှၤလၢအရ့ဒီးအဝဲသ့ၣ်​ တတီတလိၤဘၣ်တဖၣ်​ အစုပူၤလီၤ.”

  • ကတိၤဒိ ၂၂:၂၂, ၂၃
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    • ၂၂ ပှၤဖှီၣ်ဖိယာ်ဖိန့ၣ်​ အဖှီၣ်သနာ်က့ တဘၣ်ဟုၣ်အတၢ်တဂ့ၤ.+

      ဒီးလၢဝ့ၢ်အတြဲၤန့ၣ်​ တဘၣ်ဆီၣ်တံၢ်မၤနၢၤ ပှၤလၢအပတီၢ်ဖုၣ်တဂ့ၤ.+

      ၂၃ ယဟိဝၤယွၤ အနီၢ်ကစၢ်ဒၣ်ဝဲ ကစံၣ်ညီၣ်န့ၢ်တၢ်လၢ အဝဲသ့ၣ်အဂီၢ်+

      ဒီးအကမၤဟးဂီၤကွံာ် ပှၤလၢအလံၣ်အီၣ်လီအီၣ်​ အဝဲသ့ၣ်လီၤ.

  • ယၤကိာ် ၅:၄
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    • ၄ ကနၣ်မီၤ, ပှၤမၤတၢ်ဖိလၢ အကူးတၢ်လၢ သုစံာ်ပျီပူၤတဖၣ်လၢ သုတဟ့ၣ်လီၤအီၤ အဘူးအလဲဘၣ်န့ၣ် ဆဲးကိးပသူထီၣ်ဒံးလီၤ. ဒီးပှၤကူးတၢ်ဖိတဖၣ် အတၢ်ကိးပသူထီၣ်လၢ တၢ်မၤစၢၤအဂီၢ်န့ၣ် ဟူသီၣ်တုၤလၢ တၢ်သုးမုၢ်ဂီၢ်မုၢ်အကစၢ် ယဟိဝၤယွၤ* အနၢ်ပူၤလံ.+