၂ ဒီးမ့ၢ်လၢ ထံလၢပှၤဂီၢ်မုၢ်တဖၣ်အဂီၢ်န့ၣ်​ တအိၣ်ဘၣ်အဃိ+ အဝဲသ့ၣ်​ ပာ်ဖှိၣ်ထီၣ်အသး ဒီးထီဒါ စီၤမိၤၡ့ ဒီးစီၤအၤဟရိၣ်လီၤ.

၁၂ လၢခံန့ၣ်​ ယဟိဝၤယွၤ တဲဘၣ်​ စီၤမိၤၡ့ ဒီးစီၤအၤဟရိၣ်လၢ “မ့ၢ်လၢ သုတပာ်ဖျါထီၣ်​ တၢ်နာ်လၢ ယဖီခိၣ်ဘၣ်​ ဒီးသုတပာ်စီဆှံယၤ လၢပှၤအံၣ်စရ့လးဖိတဖၣ်​ အမဲာ်ညါဘၣ်အဃိ သုတလဲၤဆှၢဘၣ်​ တၢ်အိၣ်ဖှိၣ်အံၤလၢ ကီၢ်တဘ့ၣ်လၢ ယကဟ့ၣ်လီၤ အဝဲသ့ၣ်ဘၣ်.”+

၁၃ ဖဲနထံၣ်ဘၣ်​ ကီၢ်အံၤ ဝံၤအလီၢ်ခံ ဒ်နဒီပုၢ်ဝဲၢ်ခွါ စီၤအၤဟရိၣ်အသိး+ နကသံ ဒီးနကဘၣ်​ တၢ်ခူၣ်လီၤနၤ ဒ်နမိၢ်ပၢ်ဖံဖု လၢပျၢၤတဖၣ်အသိး,+ ၁၄ မ့ၢ်လၢ ဖဲပှၤဂီၢ်မုၢ်တဖၣ်​ တဲအါလိာ်သးဒီးယၤလၢ စံၣ်အပှၢ်မုၢ်ကနၢအခါ နထီဒါက့ၤ ယတၢ်မၤလိာ် ဒီးနတပာ်စီဆှံယၤလၢ ပှၤဂီၢ်မုၢ်အမဲာ်ညါ ဖဲယဟ့ၣ်လီၤထံအခါဘၣ်​ အဃိလီၤ.+ အဝဲန့ၣ်မ့ၢ်ဝဲ ထံလၢမရံၤဘါ*+ လၢအအိၣ်လၢကၤဒ့ၣ်+ လၢစံၣ်​ အပှၢ်မုၢ်ကနၢပူၤလီၤ.”+