၆ တၢ်လၢယဟိဝၤယွၤ ထံၣ်ဝဲလၢအအၢန့ၣ်​ ပှၤအံၣ်စရ့လးဖိ မၤကဒီးဝဲလီၤ.+ အဃိ ယဟိဝၤယွၤ ဟ့ၣ်လီၤအဝဲသ့ၣ်​ လၢပှၤမံးဒယၣ်ဖိ အစုပူၤ နွံနံၣ်လီၤ.+ ၂ ဒီးပှၤမံးဒယၣ်ဖိတဖၣ်​ ဆီၣ်တံၢ်မၤနၢၤဝဲ ပှၤအံၣ်စရ့လးဖိလီၤ.+ ခီဖျိလၢ ပှၤမံးဒယၣ်ဖိတဖၣ်အဃိ ပှၤအံၣ်စရ့လးဖိ လဲၤအိၣ်ခူသူၣ်လၢ ကစၢၢ်ကလိကျါ, လ့တဖၣ်အကိပူၤ ဒီးလၢတၢ်လီၢ်လၢ ပှၤဘၣ်လဲၤဝဲ ကီကီခဲခဲတဖၣ်လီၤ.+ ၃ ပှၤအံၣ်စရ့လးဖိ မ့ၢ်ဖှံလီၤတၢ်ချံန့ၣ်​ ပှၤမံးဒယၣ်ဖိ, ပှၤဧမၤလ့းဖိ+ ဒီးပှၤမုၢ်ထီၣ်ဖိတဖၣ်+ ဟဲထီဒါအဝဲသ့ၣ်လီၤ. ၄ အဃိ အဝဲသ့ၣ်​ ဟဲဆီလီၤအသး လၢကီၢ်ပူၤ ဒီးမၤဟးဂီၤကွံာ် တၢ်လၢအ မဲထီၣ်သၣ်ထီၣ်တဖၣ်​ တုၤလီၤလၢ ဝ့ၢ်ဂါစၤလီၤ. ဒီးသိမ့ၢ်ဂ့ၤ, ကျီၢ်မ့ၢ်ဂ့ၤ, ကသ့ၣ်ယီၤမ့ၢ်ဂ့ၤ, တၢ်လၢပှၤအီၣ်သ့မ့ၢ်ဂ့ၤ အဝဲသ့ၣ်တပာ်တ့ၢ်ဝဲလၢ ပှၤအံၣ်စရ့လးဖိအဂီၢ် နီတမံၤဘၣ်.+ ၅ ဒီးအဝဲသ့ၣ်​ ဟဲကိးဃုာ်ဒီး အဆၣ်ဖိကီၢ်ဖိတဖၣ်​ ဒီးဟဲစိာ်အဒဲတဖၣ်လီၤ. အဝဲသ့ၣ်​ အိၣ်ဝဲအါအါဂီၢ်ဂီၢ် ဒ်ဒွဲၣ်တဖၣ်အသိး+ ဒီးအကီၤလၤအူးတဖၣ်​ အါဝဲတုၤဒၣ်လဲာ် ပှၤဂံၢ်အီၤ တဘၣ်ဘၣ်.+ ဒီးဒ်သိး အဝဲသ့ၣ်​ ကမၤဟးဂီၤကွံာ်ဝဲ ကီၢ်အဂီၢ် အဝဲသ့ၣ်​ ဟဲနုာ်လီၤ လၢကီၢ်ပူၤလီၤ.