၁၆ “ဒီပုၢ်ဝဲၢ်သ့ၣ်ဧၢ, တၢ်ကွဲးအသးလၢ စီၤဒၤဝံး တဲဆိပာ်စၢၤဝဲ ခီဖျိ သးစီဆှံန့ၣ်​ ဘၣ်လၢထီၣ်ပှဲၤထီၣ်ဝဲလီၤ.+ အဝဲတဲတၢ် ဘၣ်ဃးဒီး စီၤယူဒၤလၢ အလဲၤဆှၢပှၤလၢ အလဲၤဖီၣ်ယ့ၣ်ၡူးလီၤ.+ ၁၇ အဝဲဘၣ်​ တၢ်ဂံၢ်ဃုာ်အီၤလၢပကျါ+ ဒီးအဝဲပၣ်ဃုာ်လၢ တၢ်စံၣ်တဲၤတဲလီၤ တၢ်မၤအံၤအပူၤ ဒ်သိးဒီးပှၤလီၤ. ၁၈ (ပှၤတဂၤအံၤ ပှ့ၤဝဲဟီၣ်ခိၣ်​ တကဝီၤလၢ တၢ်တတီတလိၤ အဘူးအလဲဒီး+ လီၤတဲာ်ဆှိခိၣ်, အဟၢဖၢသ့ၣ်ဖး ဒီးအပှံာ်လီၤလာ် ခဲလၢာ်လီၤ.+ ၁၉ ပှၤအိၣ်လၢ ဝ့ၢ်ယရူၤၡလ့ၣ်အပူၤခဲလၢာ် သ့ၣ်ညါထီၣ်ဝဲ တၢ်ဂ့ၢ်တခါအံၤအဃိ ဟီၣ်ခိၣ်တကဝီၤအံၤ ပှၤကိးအီၤလၢ အဝဲသ့ၣ်အကျိာ်လၢ အၤက့းလဒၤမါ, အခီပညီမ့ၢ်ဝဲ “တၢ်သွံၣ်အဟီၣ်ကဝီၤ” လီၤ.) ၂၀ လံာ်ထါစံးထီၣ်ပတြၢၤ ကွဲးဝဲလၢ ‘အတၢ်အိၣ်တၢ်ဆိးအလီၢ်န့ၣ်​ မ်အအိၣ်သယုၢ်တက့ၢ်. ဒီးမ်ပှၤသုတအိၣ်တဆိးလၢ အပူၤနီတဂၤတဂ့ၤ.’+ ဒီး ‘အမူဒါလၢ အမ့ၢ်ပှၤကွၢ်ထွဲတၢ်န့ၣ်​ မ်ပှၤအဂၤတဂၤ ဟံးန့ၢ်က့ၤအီၤတက့ၢ်.’+