၂၇ ပမိၢ်ပၢ်ဖံဖု လၢပျၢၤတဖၣ်​ အကစၢ် ယဟိဝၤယွၤန့ၣ်​ မ်အဘၣ်​ တၢ်စံးထီၣ်ပတြၢၤအီၤတက့ၢ်. အဝဲ ထိၣ်ဟူးထိၣ်ဂဲၤထီၣ်​ စီၤပၤ ဒ်သိး ကမၤဃံမၤလၤထီၣ်က့ၤ ယဟိဝၤယွၤ အဟံၣ်လၢ ဝ့ၢ်ယရူၤၡလ့ၣ်လီၤ.+ ၂၈ ခီဖျိလၢ အတၢ်အဲၣ်လၢအတီလၢ ယဖီခိၣ်အဃိ+ အဝဲမၤဝဲဒ်သိး စီၤပၤ ဒီးစီၤပၤအပှၤဟ့ၣ်ကူၣ်တၢ်တဖၣ်+ ဒီးစီၤပၤ အပဒိၣ်ပပှၢ်လၢ အစိအကမီၤဒိၣ်တဖၣ်​ ကဘၣ်သူၣ်ဘၣ်သးယၤလီၤ. ဒီးမ့ၢ်လၢ ယဟိဝၤယွၤ အိၣ်ဒီးယၤအဃိ ယပာ်ဒူထီၣ်ယသး ဒီးယပာ်ဖှိၣ်ထီၣ်​ အံၣ်စရ့လး အပှၤခိၣ်ပှၤနၢ်တနီၤ ဒ်သိးအဝဲသ့ၣ်​ ကက့ၤဒီးယၤ အဂီၢ်လီၤ.

၁၁ ဖဲန့ၣ်အဆၢကတီၢ် ယဟိဝၤယွၤ ကပာ်ဖျါထီၣ်ကဒီး အစိကမီၤ* ခံဘျီတဘျီ ဒ်သိးကမၤစၢၤ အပှၤဂီၢ်မုၢ်လၢ အအိၣ်တ့ၢ်စှၤဂၤအဂီၢ်လီၤ. ကစၢ်ယွၤ ကကိးဖှိၣ်က့ၤ အပှၤဂီၢ်မုၢ်လၢ အအိၣ်လၢ ကီၢ်အၤၡူၢ်,+ ကီၢ်အဲၤကူပတူး,+ ပၤသြိၣ်+ အတၢ်လီၢ်တၢ်ကျဲ, ကီၢ်ကူၤၡး,*+ ဧ့ၤလၣ်+ အဟီၣ်ကဝီၤ, ကီၢ်ၡံနၢ်,*+ ဝ့ၢ်ဃမါသး ဒီးလၢကီးတဖၣ်လၢ ပီၣ်လဲၣ်အပူၤလီၤ.