၅ အတၢ်သးဒိၣ်ထီၣ်​ ပှၤတဂၤဂၤန့ၣ်​ အိၣ်ဝဲထဲတစိၢ်ဖိ+

ဘၣ်ဆၣ်​ အတၢ်သူၣ်ဂ့ၤသးဝါလၢ ပှၤလၢအဘၣ်သူၣ်ဘၣ်သးဝဲတဂၤ အဖီခိၣ်န့ၣ်​ အိၣ်ဝဲတစိၤသးလီၤ.+

၆၁ တၢ်ပၢကစၢ် ယဟိဝၤယွၤ အသးစီဆှံ အိၣ်လၢယလိၤ+

ခီဖျိလၢ ယဟိဝၤယွၤ ဒိးဖှူယၤဒ်သိး ယကစံၣ်တဲၤတဲလီၤ တၢ်သးခုကစီၣ်လၢ ပှၤလၢအဆီၣ်လီၤသး အအိၣ်လီၤ.+

အဝဲဆှၢလီၤယၤ ဒ်သိး ယကမၤမုာ်ထီၣ်က့ၤ* ပှၤလၢအသးသ့ၣ်ဖးတဖၣ်,

ဒ်သိး ယကတဲဘၣ် ပှၤလၢ အဘၣ်တၢ်ဖီၣ်န့ၢ်အီၤတဖၣ်လၢ အဝဲသ့ၣ် ကထူၣ်ဖျဲးထီၣ်,

ဒ်သိး ယကတဲဘၣ် ပှၤဃိာ်ဖိတဖၣ်လၢ အမဲာ်ကထံၣ်ထီၣ်က့ၤတၢ်အဂီၢ်,+

 ၂ ဒ်သိး ယကတဲဖျါထီၣ် ဘၣ်ဃးဒီး တၢ်ဆၢကတီၢ်လၢ ယဟိဝၤယွၤ ကပာ်ဖျါထီၣ် အတၢ်သးအိၣ်,

ဒီးပကစၢ်ယွၤ ကဟ့ၣ်ကၣ်က့ၤတၢ် အမုၢ်နံၤ,+

ဒ်သိး ယကမၤမုာ်ထီၣ်က့ၤ ပှၤလၢ အသူၣ်အုးသးအုး ခဲလၢာ်+

 ၃ ဒီးဒ်သိး ယကအံးထွဲကွၢ်ထွဲ ပှၤလၢ အဟီၣ်ဝဲယၢၤဝဲလၢ ဝ့ၢ်စံယိၣ် အဃိလီၤ.

ဒီးလၢဖၣ်ဆါကမူၣ်အလီၢ်န့ၣ် ယကဟ့ၣ်လီၤအဝဲသ့ၣ်လၢ ခိၣ်ဖၢၣ်,

လၢတၢ်ဟီၣ်တၢ်ယၢၤအလီၢ်န့ၣ် ယကဟ့ၣ်အဝဲသ့ၣ်လၢ တၢ်သးခုအသိ

ဒီးလၢတၢ်သးဟးဂီၤအလီၢ်န့ၣ် ယကဟ့ၣ်အဝဲသ့ၣ်လၢ တၢ်စံးထီၣ်ပတြၢၤ အဆ့ကၤလီၤ.

ဒီးပှၤကကိး အဝဲသ့ၣ်လၢ တၢ်တီ တၢ်လိၤ အသ့ၣ်ထူၣ်ဖးဒိၣ်တဖၣ်

လၢယဟိဝၤယွၤ သူၣ်လီၤဝဲ ဒ်သိးကကဲထီၣ် တၢ်လၤကပီၤ လၢအဂီၢ်လီၤ.+