၄၅ စီၤဒၤဝံး တဲဆၢက့ၤ ပှၤဖလ့ၡသးဖိ တဂၤန့ၣ်လၢ “နဃ့ဘူၣ်​ အံၣ်စရ့လး အကစၢ်ယွၤ အသုးဖိတဖၣ်​ ဒီးနဟဲစိာ်ဒီးနး, ဘီ ဒီးဘီဖိ+ ဒ်သိးနကဒုးတၢ်ဒီးယၤလီၤ. မ့မ့ၢ်ယၤန့ၣ်​ ယဟဲလၢ တၢ်သုးမုၢ်ဂီၢ်မုၢ်အကစၢ် ယဟိဝၤယွၤအမံၤ+ ဒ်သိးယကဒုးတၢ်ဒီးနၤလီၤ.+ ၄၆ တနံၤအံၤ ယဟိဝၤယွၤ ကဟ့ၣ်လီၤနၤ လၢယစုပူၤ+ ဒီးယကမၤသံကွံာ်နၤ ဒီးဒီၣ်တဲာ်ကွံာ် နခိၣ်သၣ်ဃံလီၤ. ဒီးတနံၤအံၤ ပှၤဖလ့ၡသးသုးဖိတဖၣ်​ အစိၣ်န့ၣ်​ ယကဟ့ၣ်ဒုးအီၣ်ကွံာ် ထိၣ်လၢအယူၤလၢ တၢ်ဖးဖီတဖၣ်​ ဒီးဆၣ်ဖိကီၢ်ဖိအဒူတဖၣ်လီၤ. ဒီးပှၤဟီၣ်ခိၣ်ဖိခဲလၢာ် ကသ့ၣ်ညါဝဲလၢ ကစၢ်ယွၤအိၣ်ဒီး ပှၤအံၣ်စရ့လးဖိလီၤ.+

၁၅ ဒီးတၢ်ဒုးတၢ်ယၤ အိၣ်ထီၣ်ကဒီးလၢ ပှၤဖလ့ၡသးဖိ ဒီးပှၤအံၣ်စရ့လးဖိ အဘၢၣ်စၢၤလီၤ.+ အဃိ စီၤဒၤဝံး ဒီးအခ့အပှၤတဖၣ်​ လဲၤလီၤဒုး ပှၤဖလ့ၡသးဖိ ဘၣ်ဆၣ်​ လၢခံ စီၤဒၤဝံးလီၤဘှံးလီၤ.

၁၇ တဘျီဃီန့ၣ်​ နီၢ်စရူယၤအဖိခွါ စီၤအဘံၡဲၤ+ ဟဲမၤစၢၤ+ စီၤဒၤဝံး ဒီးမၤသံကွံာ်ဝဲ ပှၤဖလ့ၡသးဖိတဂၤန့ၣ်လီၤ. ဖဲန့ၣ်အခါ စီၤဒၤဝံးအပှၤတဖၣ်​ အၢၣ်လီၤအီၤလၢ “ဒ်သိးနသုတမၤလီၤပံာ်ကွံာ် အံၣ်စရ့လး အမ့ၣ်အူဒၢ တဂ့ၤအဂီၢ်+ ပတဟ့ၣ်အခွဲးလၢ နကလဲၤဒုးတၢ်ဒီး ပှၤလၢၤဘၣ်.”+