၁၈ လၢတၢ်န့ၣ်အလီၢ် သုဒီး သုဖိမုၣ်ဖိခွါတဖၣ်, သုကုၢ်မုၣ်​ ကုၢ်ခွါတဖၣ်​ ဒီးပှၤလ့ၤဝံဖိတဖၣ်​ လၢအအိၣ်လၢ သုဝ့ၢ်တဖၣ်အပူၤန့ၣ်​ ကဘၣ်အီၣ်ဝဲ တၢ်သ့ၣ်တဖၣ်အံၤ လၢသုကစၢ်ယဟိဝၤယွၤ အမဲာ်ညါ ဖဲတၢ်လီၢ်လၢ သုကစၢ် ယဟိဝၤယွၤ ကဃုထၢဝဲလီၤ.+ ဒီးသုကသူၣ်ဖှံသးညီလၢ သုကစၢ် ယဟိဝၤယွၤ အမဲာ်ညါ လၢတၢ်ခဲလၢာ်လၢ သုမၤတ့ၢ်အီၤတဖၣ်အဃိလီၤ.

၂၂ ဒီးယထံၣ်ဘၣ်လၢ တၢ်လၢအဂ့ၤကတၢၢ်လၢ ပှၤဟီၣ်ခိၣ်ဖိ မၤသ့န့ၣ်​ မ့ၢ်ဝဲ အကသူၣ်ဖှံသးညီလၢ အတၢ်မၤအပူၤ,+ မ့ၢ်လၢ အဝဲန့ၣ်​ မ့ၢ်ဝဲအခိၣ်ဖးအဃိလီၤ. ဒီးအသံဝံၤအလီၢ်ခံ ပှၤဒုးနဲၣ်အီၤလၢ တၢ်လၢကမၤအသးတဖၣ်န့ၣ်​ တသ့နီတဂၤဘၣ်.+

၁၅ အဃိ ယဟ့ၣ်ကူၣ်ပှၤဂၤလၢ အဝဲသ့ၣ်​ ကသူၣ်ဖှံသးညီလီၤ.+ ပှၤလၢအိၣ်လၢ ဟီၣ်ခိၣ်ချၢအံၤ မ့ၢ်အီၣ်တၢ်အီတၢ် ဒီးသူၣ်ဖှံသးညီန့ၣ်​ အမ့ၢ်တၢ်လၢ အဂ့ၤကတၢၢ်လီၤ. ဖဲအဝဲသ့ၣ်​ မၤတၢ်ဆူၣ်ဆူၣ်​ ဒီးအိၣ်မူဘၣ်လၢ ဟီၣ်ခိၣ်ချၢအံၤ ဒ်ယွၤလၢအမ့ၢ်အတီတဂၤ ဟ့ၣ်ဒုးအိၣ်မူအီၤအသိးအခါ+ အဝဲသ့ၣ်​ ကြၢးအီၣ်တၢ်အီတၢ် ဒီးသူၣ်ဖှံသးညီလီၤ.

၁၇ ဘၣ်ဆၣ်​ အဝဲဟ့ၣ်​ တၢ်အုၣ်အသး ဘၣ်ဃးဒီး အနီၢ်ကစၢ်အဂ့ၢ်+ ခီဖျိလၢ အဝဲမၤဂ့ၤတၢ်အဃိလီၤ. အဝဲဒုးစူၤလီၤတၢ်လၢ မူခိၣ်လၢသုဂီၢ် ဒီးဒုးသၣ်ထီၣ်​ တၤသူတၤသၣ်​ ဘၣ်ဆၢဘၣ်ကတီၢ်,+ အဝဲဟ့ၣ်သု တၢ်အီၣ်တၢ်အီ အါအါဂီၢ်ဂီၢ် ဒီးမၤပှဲၤသုသးလၢ တၢ်သူၣ်ဖှံသးညီလီၤ.”+