၂၂ ဒ်သိးယဟိဝၤယွၤ အတၢ်ကတိၤ ခီဖျိလၢ ဝံယံးရမံယၤ+ ကလၢထီၣ်ပှဲၤထီၣ်အဂီၢ် ယဟိဝၤယွၤ ထိၣ်ဟူးထိၣ်ဂဲၤထီၣ်​ ဖၢၡၢၣ်​ အစီၤပၤကိရ့ၣ်+ အသး ဒ်သိး အကဘိးဘၣ်သ့ၣ်ညါ တၢ်ဂ့ၢ်တမံၤလၢ အဘီမုၢ်ဒီဘ့ၣ်ညါအပူၤလီၤ. တၢ်မၤအသးဒ်အံၤန့ၣ်​ ဘၣ်ဖဲဖၢၡၢၣ်​ အစီၤပၤကိရ့ၣ်​ ပၢတၢ်အဆိကတၢၢ်တနံၣ်​ အတီၢ်ပူၤလီၤ. ဒီးအတၢ်ဘိးဘၣ်သ့ၣ်ညါအံၤန့ၣ်​ အဝဲကွဲးလီၤစ့ၢ်ကီးဝဲ+ ဒ်လၢလာ်အံၤအသိးလီၤ. ၂၃ “ကီၢ်ဖၢၡၢၣ်​ အစီၤပၤကိရ့ၣ်​ တဲဝဲလၢ ‘မူခိၣ်အကစၢ် ယဟိဝၤယွၤ ဟ့ၣ်လီၤယၤ ဘီမုၢ်ခဲလၢာ်လၢ ဟီၣ်ခိၣ်ချၢ+ ဒီးအဟ့ၣ်လီၤယၤ မူဒါလၢ ယကတ့ထီၣ်န့ၢ်အီၤ ဟံၣ်တဖျၢၣ်ဖဲ ဝ့ၢ်ယရူၤၡလ့ၣ်​ လၢယူဒၤ အဟီၣ်ကဝီၤအပူၤလီၤ.+ သုဝဲကိးဂၤဒဲးလၢ အပၣ်ဃုာ်လၢ အပှၤဂီၢ်မုၢ်အကျါန့ၣ်​ မ်သုလဲၤထီၣ်ဖဲန့ၣ်​ ဒီးမ်သုကစၢ် ယဟိဝၤယွၤ အိၣ်ဒီးသုတက့ၢ်.’”+

၃ “ဖဲစီၤပၤကိရ့ၣ်​ ပၢတၢ် အဆိကတၢၢ်တနံၣ်န့ၣ်​ ဘၣ်ဃးဒီး ကစၢ်ယွၤ အဟံၣ်လၢ ဝ့ၢ်ယရူၤၡလ့ၣ်န့ၣ်​ အဝဲဟ့ၣ်လီၤ တၢ်ကလုၢ်လၢ+ ‘မၢပှၤယူဒၤဖိတဖၣ်​ သူၣ်ထီၣ်က့ၤ ဟံၣ်တဖျၢၣ်န့ၣ်​ ဒ်သိးအဝဲသ့ၣ်​ ကလုၢ်ထီၣ်တၢ်အဂီၢ် တက့ၢ်. မၢအဝဲသ့ၣ်​ ဆီလီၤက့ၤ ဟံၣ်တဖျၢၣ်အံၤ အခီၣ်ထံး ဖဲအလီၢ်န့ၣ်တက့ၢ်. ဟံၣ်တဖျၢၣ်အံၤ အကစီၤထီၣ်ထီ ကဘၣ်အိၣ်ဝဲ အပျၢ်* ၆၀ ဒီးအလဲၢ်ကဘၣ်အိၣ်ဝဲ အပျၢ် ၆၀ လီၤ.+