၂၂ “ဘၣ်ဆၣ်​ မ့မ့ၢ်နၤ စီၤပၤဘ့ၤလၡါစၢ် လၢအမ့ၢ် စီၤနဘူၤကးန့စၢ် အဖိခွါန့ၣ်* နသ့ၣ်ညါ တၢ်ဂ့ၢ်တဖၣ်န့ၣ်ခဲလၢာ် ဘၣ်ဆၣ်​ နတဆီၣ်လီၤနသးဘၣ်. ၂၃ နပာ်ထီၣ်ထီနသး လၢမူခိၣ်ကစၢ် အဖီခိၣ်+ ဒီးနမၢ ပှၤဟဲစိာ်န့ၢ်နၤ အဟံၣ်​ အထံခွးတဖၣ်လီၤ.+ ဒီးနၤ ဒီးနပှၤဒိၣ်ပှၤပှၢ်တဖၣ်, နသံၣ်မါတဖၣ်​ ဒီးနမါလၢအဂၤတဖၣ်​ အီစပံးထံဒီးထံခွးတဖၣ်န့ၣ်​ ဒီးစံးထီၣ်ပတြၢၤ ယွၤထူ, ယွၤစ့, ယွၤတိၢ်ဘီ, ယွၤထး, ယွၤသ့ၣ်​ ဒီးယွၤလၢၢ်တဖၣ်​ လၢအမ့ၢ် ယွၤလၢအတထံၣ်တၢ်, အတနၢ်ဟူတၢ် ဒီးအတသ့ၣ်ညါတၢ် နီတမံၤဘၣ်န့ၣ်လီၤ.+ ဘၣ်ဆၣ်​ နတမၤလၤကပီၤ ကစၢ်ယွၤလၢ နသးသမူ+ အိၣ်လၢအစုပူၤ တဂၤန့ၣ်ဘၣ်.