-
ယၡါယၤ ၄၄:၂၃ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၂၃ ယဟိဝၤယွၤ မၤတၢ်လံ.
မူခိၣ်ဧၢ, ကိးပသူထီၣ်လၢ တၢ်သူၣ်ဖှံသးညီ အပူၤတက့ၢ်.
ဟီၣ်ခိၣ် အတၢ်ယိာ်ပူၤဧၢ, ကိးပသူထီၣ်လၢ တၢ်သူၣ်ခုသးခု အပူၤတက့ၢ်.
ကစၢၢ်ကလိ, ပှၢ်လၢ်ကျါ ဒီးသ့ၣ်ထူၣ်ခဲလၢာ်သ့ၣ်ဧၢ,
ကိးပသူထီၣ်လၢ တၢ်သးခုအပူၤတက့ၢ်.+
ယဟိဝၤယွၤ ပှ့ၤက့ၤ စီၤယၤကိာ် အစၢၤအသွဲၣ်လံ
ဒီးလၢ ပှၤအံၣ်စရ့လးဖိအဂီၢ်န့ၣ် အဝဲပာ်ဖျါထီၣ် အစိအကမီၤ လၢအဒိၣ်အမုၢ်လံ.”+
-
-
ယၡါယၤ ၆၁:၃ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၃ ဒီးဒ်သိး ယကအံးထွဲကွၢ်ထွဲ ပှၤလၢ အဟီၣ်ဝဲယၢၤဝဲလၢ ဝ့ၢ်စံယိၣ် အဃိလီၤ.
ဒီးလၢဖၣ်ဆါကမူၣ်အလီၢ်န့ၣ် ယကဟ့ၣ်လီၤအဝဲသ့ၣ်လၢ ခိၣ်ဖၢၣ်,
လၢတၢ်ဟီၣ်တၢ်ယၢၤအလီၢ်န့ၣ် ယကဟ့ၣ်အဝဲသ့ၣ်လၢ တၢ်သးခုအသိ
ဒီးလၢတၢ်သးဟးဂီၤအလီၢ်န့ၣ် ယကဟ့ၣ်အဝဲသ့ၣ်လၢ တၢ်စံးထီၣ်ပတြၢၤ အဆ့ကၤလီၤ.
ဒီးပှၤကကိး အဝဲသ့ၣ်လၢ တၢ်တီ တၢ်လိၤ အသ့ၣ်ထူၣ်ဖးဒိၣ်တဖၣ်
လၢယဟိဝၤယွၤ သူၣ်လီၤဝဲ ဒ်သိးကကဲထီၣ် တၢ်လၤကပီၤ လၢအဂီၢ်လီၤ.+
-